វេបសាយផ្លូវការរបស់ Real Madrid បានប្រកាសឲ្យដឹងថាខ្សែបម្រើវ័យក្មេង Marco Asenio រងរបួសឆ្អឹងត្រគៀកដែលបញ្ហានេះធ្វើឲ្យកីឡាករត្រូវអវត្តមានក្នុងជំនួប Real Madrid ប៉ះជាមួយ Malaga ។
របួសនេះបានធ្វើឲ្យកីឡាករជម្រើសជាតិអេស្ប៉ាញ ត្រូវសម្រាកដល់ដប់ថ្ងៃ ដែលនេះមានន័យថា រូបគេនឹងមិនបានជួយក្រុមលេងទល់នឹង Malaga ថ្ងៃស្អែក និងជំនួបជាមួយ Athletico Bilbao ក្នុងLa liga និងជួបក្រុម Fuenlabrada ក្នុងពាន Copa del Ray។
សេចក្ដីថ្លៃងការណ៍របស់ក្លឹបបាននិយាយថា៖”បន្ទាប់ពីទទួលបានការពិនិត្យលើរបួសរបស់Asensio ដោយក្រុមគ្រូពេទ្យ Real Madrid Sanitas កីឡាករមានបញ្ហារបួសត្រង់ត្រគៀកខាងស្ដាំ។ ការជាសះស្បើយឡើងវិញ នឹងប្រាប់នៅពេលក្រោយ”។
បន្ថែមពីនេះលោក Zidane បានបញ្ជាក់ពីរបួសរបស់ Marco Asensioក្នុងសន្និសិទកាសែតដោយនិយាយថា គាត់នឹងមិនប្រថុយដាក់កីឡាករឲ្យចូលលេងឆាប់ៗនោះទេ ពេលត្រឡប់មកវិញ ដោយលោកថាមិនចង់បញ្ហាធំជាងនេះទៀត៕
