ឪពុករបស់ខ្សែប្រយុទ្ធកង់សឺកួរ Real Madrid កីឡាករ Alvaro Morata បានលើឡើងថា Manchester United គឺជាក្លឹបតែមួយគត់ដែលអាចទិញយកកូនប្រុសរបស់គាត់នៅលេងបានក្នុងរដូវដោះដូរកីឡាករខាងមុខ។
ខ្សែប្រយុទ្ធរូបនេះ បានមានវត្តមានក្នុងការប្រកួតវគ្គផ្ដាច់ព្រ័ត្រដោយប្ដូរចូលនៅជិតចប់ការប្រកួត ក្នុងយប់មួយដែល Real Madrid ឈ្នះ Juventus ១-៤លើកពាន Champions League ហើយរូបគេក៏ជាកីឡាករ មានព័ត៌មានជាប់ទាក់ទងក្នុងប្ដូរទៅលេងនៅ Manchester United ផងដែរ។
AC Milan និង Chelsea ក៏មានព័ត៌មានចចាមអារ៉ាម ថាចាប់អារម្មណ៍ខ្សែប្រយុទ្ធវ័យ២៤ឆ្នាំ ប៉ុន្តែ United គឺជាក្លឹបបង្ហាញការចង់បានខ្លាំងជាងគេបំផុត។ របាយការណ៍ពី Football Italia ដែលសរសេរដោយលោក Paco Gonzalez បានបញ្ជាក់ច្បាស់ថា៖” ខ្ញុំដឹងយ៉ាងជាក់ច្បាស់ថា Manchester United គឺជាក្លឹបដែលចង់បាន Morata ហើយក៏គ្មាននរណាផ្សេងទៀតដែរ។”
អញ្ចឹងហើយបានលោក Alfonso Morata ឆ្លើយតបមកវិញថា៖” តើអ្នកដឹងដោយរបៀបណា? ខ្ញុំអាចនិយាយបានថាអ្នកគឺជាអ្នកកាសែតដ៏ល្អម្នាក់ ប៉ុន្តែខ្ញុំសុំមិននិយាយអ្វីច្រើនជាងនេះទៀតទេ។ ”
បិសាចក្រហមកំពុងស្វែងរកខ្សែប្រយុទ្ធថ្មីមួយបន្ទាប់ពី Zlatan Ibrahimovic មិនទាន់ប្រាកដការជាសះស្បើយពីរបួស ហើយកុងត្រាក៏ជិតនឹងផុតកំណត់តែលក្ខខ័ណ្ឌនៃកុងត្រាកីឡាកររបួសត្រូវបន្តនៅក្លឹបបន្តក្នុងរដូវកាលក្រោយ៕
