បន្ទាប់ពីរបាយការណ៍ជាច្រើនបានចុះផ្សាយថាម្ចាស់ជើងឯក World Cup 2014 Mesut Ozil បានសម្រេចពីអនាគតរបស់ខ្លួននោះ នៅថ្ងៃនេះទាំង Arsenal និងកីឡាករបានប្រកាសជាផ្លូវការថា Ozilនឹងនៅភាគខាងជើងទីក្រុងឡុងដ៍រយៈពេល៣ឆ្នាំទៀត។
ហេតុផលដែលគេបានបង្ហាញ គឺការចុះកុងត្រាយក Piere-Emerick Aubameyang ពី Borussia Dortmund និងព័ត៌មានចចាមអារ៉ាមទទួលបានប្រាក់ឈ្នួលប្រចាំសប្ដាហ៍៣០ម៉ឺនផោនបានធ្វើឲ្យ Ozil សម្រេចចិត្តបន្តអនាគត ជាជាងជ្រួលជ្រើមចង់ចាកចេញតាម Alexis Sanchez ។ តែអ្វីដែលជាផលចំណេញសម្រាប់អតីតកីឡាករ Real Madrid រូបនេះគឺទទួលបានប្រាក់ឈ្នួលខ្ពស់ជាងគេបំផុតលំដាប់ទី២នៅ Premier League បន្ទាប់ពី Sanchez។
#WeveGotOzil – and he’s not going anywhere 🔴 pic.twitter.com/s9hk8l8fyJ
— Arsenal FC (@Arsenal) February 1, 2018
ចុចអានអត្ថបទទាក់ទង៖ អញ្ចឹងតើបានជា MESUT OZIL បដិសេធសំណើ MAN UTDហើយអត់មកជាមួយ SANCHEZ
អ្នកគាំទ្រ Arsenal ពិតជាដឹងថាកីឡាករនាំ លេងរបស់ពួកគេបន្តនៅហើយពេលនេះ សមត្ថភាពបញ្ជូនបាល់យ៉ាងល្អអាចគាត់ចាប់ដៃគូជាមួយ Aubameyang និង Alexandre Lacazette។ Ozil បង្ហាញខ្លួនឲ្យ Arsenal បាន១៨២ប្រកួតរកបាន៣៦គ្រាប់និងបញ្ជូនបាល់បាន៦១ដង ជួយកាំភ្លើងធំឈ្នះពាន FA Cup ៣ដងចាប់តាំងចេញពី Real Madrid កាលពីឆ្នាំ២០១៣៕
😎📝 #YaGunnersYa pic.twitter.com/msr20AUOm3
— Mesut Özil (@MesutOzil1088) February 1, 2018
