តា Perez ថាការបន្តកុងត្រាថ្មីរបស់ Isco ព្រមព្រៀងរួចហើយហ្នឹង!

ប្រធានក្លឹប Real Madrid លោក Florentino Perez បានទម្លាយថា Isco បានយល់ព្រមបន្តកុងត្រាថ្មីជាមួយក្លឹបរួចហើយ។

ខ្សែបម្រើអាចលេងក្នុងលេងក្នុងតំបន់ប្រយុទ្ធស្លាបរូបនេះ កំពុងតែឡើងជើងខ្លាំងទាំងនៅក្នុងក្លឹប Real Madrid និងជម្រើសជាតិអេស្ប៉ាញ។ ពិសេសថ្វីជើងលេងក្នុងការប្រកួតដែលអេស្ប៉ាញឈ្នះអ៊ីតាលី៣ទល់០។

Isco នៅសល់កុងត្រាដល់ពាក់កណ្ដាលឆ្នាំ២០១៨ ប៉ុន្តែលោក Perez បាននិយាយថា ការបន្តកុងត្រាថ្មីបានចុះហត្ថលេខារួចហើយៗ ក្លឹបនឹងប្រកាសផ្លូវការនៅពេលឆាប់ៗខាងមុខនេះ។ ប្រធានក្លឹបរូបនេះបាននិយាយក្នុង Cadena SER ថា៖” Isco បានមកដល់ទីនេះនៅពេលដែលគាត់នៅក្មេងហើយអ្វីៗដែលទាក់ទងនឹងគាត់បានធ្វើរួចរាល់ហើយ។បច្ចុប្បន្នគាត់កំពុងនៅទីនេះហើយយើងជឿជាក់ថាគាត់នឹងនៅទីនេះយូរតទៅទៀត។”