អាណាចក្រកីឡាសូមនាំប្រិយមិត្តមកស្គាល់ក្រុមខ្លាំងៗ ដែលក្លឹបមកពីអង់គ្លេសទាំង៥ អាចជួបក្នុងវគ្គ១៦ក្រុម Champions League តែអ្វីដែលជាព័ត៌មានអាក្រក់គឺ Chelseaអាចជួបក្រុមខ្លាំងជាងគេបន្តិច។
ការចាប់គូរនឹងធ្វើឡើងនៅយប់នេះនៅទីក្រុង Nyon ប្រទេសស្វីស ខណៈការប្រកួតយើងដឹងរួចហើយគឺជើងទី១នៅថ្ងៃទី១៣, ១៤, ២០ និង២១កុម្ភៈ២០១៨ ខណៈជើងទី២គឺថ្ងៃទី៦,៧, ១៣និង១៤មិនាឆ្នាំ២០១៨។
ក្រុមឈរកំពូលតារាងក្នុងពូលនីមួយៗមិនអាចជួបគ្នាជាមួយក្រុមលេខ២មកពីពូលជាមួយគ្នានោះទេ (ឧ. Chelsea មិនអាចជួប Roma, Real Madrid មិនជួប Spurs)ហើយក្រុមមកពីប្រទេសជាមួយគ្នាក៏អត់ឲ្យជួបគ្នាដែរ។ ក្រុមដែលនៅក្នុងប្រទេសជាមួយគ្នាដែលអាចជួបគ្នាទាល់តែដល់វគ្គ៨ក្រុមចុងក្រោយឡើងទៅឯណោះ។
Manchester United, Tottenham, Manchester City និងLiverpool គឺជាក្រុមដែលឈរកំពូលតារាងក្នុងពូល ខណៈChelsea ឈរលេខ២ក្នុងពូល។ តោខៀវនឹងអាចនឹងជួបក្រុមលេខ១មកពីក្នុងពូលដទៃទៀតដូចជា៖ Paris Saint-Germain, Barcelona, ឬក៏Besiktas។
ខាងក្រោមជាលទ្ធផលក្រុមទាំង៥នៅអង់គ្លេសអាចជួបនៅវគ្គ១៦ក្រុមចុងក្រោយ៖
Manchester United (Group A winners): Bayern Munich, Juventus, Sevilla, Shakhtar Donetsk, Porto or Real Madrid.
Chelsea (Group C runners-up): Paris St-Germain, Barcelona or Besiktas.
Liverpool (Group E winners): Basel, Bayern Munich, Juventus, Shakhtar Donetsk, Porto or Real Madrid.
Manchester City (Group F winners): Basel, Bayern Munich, Juventus, Sevilla, Porto or Real Madrid.
Tottenham (Group H winners): Basel, Bayern Munich, Juventus, Shakhtar Donetsk, Sevilla or Porto.
