ខ្សែបម្រើជម្រើសជាតិប្រេស៊ីល Fred បានបំពេញការផ្ទេរពី Shakhtar Donetsk មក Manchester United ជាផ្លូវការហើយនៅថ្ងៃព្រហស្បតិ៍ទី២១ខែមិថុនាឆ្នាំ២០១៨នេះ ក្នុងកិច្ចព្រមព្រៀងតម្លៃ៥២លានផោន។
កីឡាករវ័យ២៥ឆ្នាំបានចុះកិច្ចសន្យា៥ឆ្នាំជាមួយក្លិបបិសាចក្រហម អមដោយជម្រើសបន្លាយ១ឆ្នាំថែមទៀត។ មានន័យថាគេជាសមាជិកថ្មីទី២របស់ Man Utd ក្នុងរដូវក្ដៅនេះ បន្ទាប់ពីខ្សែការពារវ័យក្មេង Diogo Dalot។
Fred ចូលលេង១៥៥ដងនិងស៊ុតចូល១៥គ្រាប់ក្នុងរយៈពេល៥ឆ្នាំនៅ Shakhtar ហើយបានលើកពានលីគអ៊ុយក្រែន៣ដង, Cup ៣ដង និង Ukrainian Super Cup ៤ដង៕
