World Cup គឺជាព្រឹត្តិការណ៍មួយដែលគ្មានកីឡាករណាម្នាក់ចង់ខកខាននោះទេ។ ទោះបីជាយ៉ាងនេះក្ដី! មានពេលជាច្រើនដែលកីឡាករមិនអាចចូលលេងបានទាំងសោកស្ដាយដោយសារតែរបួស។ ពេលនេះយើងសូមបង្ហាញប្រិយមិត្តពីបញ្ជីមួយដែលមានឈ្មោះកីឡាករល្បីៗមិនបានលេង World Cup ដោយសារតែរបួស។
១០-Alfredo Di Stefano (អេស្ប៉ាញ)
កីឡាករដើមកំណើតអាហ្សង់ទីនតែលេងឲ្យជម្រើសជាតិអេស្ប៉ាញ មិនបានបង្ហាញខ្លួនក្នុងព្រឹត្តិការណ៍World Cup ដល់ពី២គឺWorld Cup 1950និង1954។សំណាងអាក្រក់គាត់នៅតែមិនបានលេងព្រឹត្តិការណ៍World Cup 1962 ដោយសារប្រកួតមិត្តភាពជាមួយឲ្យជម្រើសជាតិអេស្ប៉ាញ។
៩- Romario (ប្រេស៊ីល)
កីឡាករសញ្ជាតិប្រេស៊ីលខកខានបង្ហាញខ្លួនក្នុងWorld Cup 1998 នៅបារាំងដោយសាររបួសសាច់ដុំ។
៨- Pep Guardiola (អេស្ប៉ាញ)
គ្រូបង្វឹកMan City បច្ចុប្បន្នមិនបានលេងក្នុងព្រឹត្តិការណ៍World Cup 2002នៅកូរ៉េខាងត្បូង/ជប៉ុនននោះទេបន្ទាប់ពីរបួសរយៈសរសៃសន្លាក់ជង្គង់ខាងស្ដាំ។
៧- Rio Ferdinand (អង់គ្លេស)
របួសអំឡុងពេលហ្វឹកហាត់ដោយមានការប៉ះទង្គិចគ្នារវាង Ferdinand និងEmile Heskey ធ្វើឲ្យខ្សែការពារកណ្ដាលជម្រើសជាតិអង់គ្លេសរូបនេះខកខានបានលេង។ ប្រធានក្រុម Man Utd របួសត្រង់សន្លាក់ជង្គង់ហើយត្រូវបង្ខំចិត្តអង្គុយមើលការប្រកួត World Cup 2010 ពីអង់គ្លេសខណៈការប្រកួតនៅអាហ្វ្រិកខាងត្បូង។
៦- Michael Ballack (អាល្លឺម៉ង់)
ការខ្ទាស់ជើងពី Kevin Prince Boateng បានធ្វើឲ្យក្ដីសុបិនទៅលេងនៅWorld Cup 2010 ត្រូវបញ្ចប់។ខ្សែបម្រើជម្រើសជាតិអាល្លឺម៉ង់របួសត្រង់សន្លាក់កែងជើង។
៥- David Beckham (អង់គ្លេស)
Backham បានលេងក្នុងព្រឹត្តិការណ៍World Cup បីសម័យកាលរួចទៅហើយៗគាត់ស្ទើរតែមានឱកាសលេងលើកទី៤ប៉ុន្តែសំណាងអាក្រក់បានកើតឡើងចំពោះគាត់។គាត់រងរបួសកែងជើងអំឡុងលេងឲ្យAC Milan ហើយហើយរបួសជាមិនទាន់ព្រឹត្តិការណ៍World Cup 2010។
៤- Michael Owen
Owen ក៏ជាកីឡាករម្នាក់ទៀតរបស់អង់គ្លេសមិនបានលេងWorld Cup នៅអាហ្វ្រិកខាងត្បូងដោយសាររបួសហើយរូបគេអង្គុយមើលទូរទស្សន៍ពីអង់គ្លេសជាមួយBackham ។អតីតខ្សែប្រយុទ្ធ Liverpool, Real Madrid និងMan Utd របួសសរសៃពួរចំពេលគ្រូបង្វឹករើសកីឡាករចុងក្រោយទៅលេងWorld Cup។
៣- Lass Diarra (បារាំង)
ជំងឺស្លេកស្លាំងដោយសារខ្សោយគ្រាប់ឈាមបានប៉ះពាល់ដល់អេម៉ូក្លូប៊ីនធ្វើឲ្យការបញ្ជូនអុកស៊ីហ្សែនក្នុងរាងកាយត្រូវរាំងស្ទះរូបគេមិនបានលេងក្នុងWorld Cup 2010 នោះទេ។កាលនោះរូបគេលេងឲ្យក្រុមReal Madrid បានល្អបំផុត។
២-Radamel Falcao (កូឡុំប៊ី)
ខ្សែប្រយុទ្ធមានរហស្សនាមថា Tiger ម្នាក់នេះមិនបានលេងWorld Cup 2014នៅប្រេស៊ីលនោះទេ។ Falcao របួសសន្លាក់ជើងក្នុងការប្រកួតមួយឲ្យMonaco។
១- Marco Reus (អាល្លឺម៉ង់)
Reus ក៏មិនបានធ្វើដំណើទៅប្រេស៊ីលដូចគ្នាដែរ។ តារាប្រយុទ្ធរបស់Borussia Dortmund បានរបួសកែងជើងអំឡុងប្រកួតមិត្តភាពមុនទៅលេងWorld Cup ជាមួយជម្រើសជាតិអាមិននៀ៕
