តាមរយៈការទស្សន៍ទាយពី Opta បានឲ្យដឹងថាក្រុមជម្រើសជាតិប្រេស៊ីល មានឱកាសច្រើនជាងគេបំផុត ក្នុងការឈ្នះពាន World Cup 2018 នៅរុស្សី ខណៈអាល្លឺម៉ង់ អាហ្សង់ទីន បារាំង ជាក្រុមដែលស្ថិតក្នុងបេក្ខភាពខ្ពស់ជាងគេ។
តាមរយៈមការចាប់ពូលកាលពីយប់មិញក្នុងទីក្រុងមូស្គូ ប្រេស៊ីលនៅជាមួយក្រុមស្វីស កូស្ការីកា និងស៊ែប៊ីក្នុងពូល E ហើយ Opta បានផ្ដល់ពិន្ទុឲ្យក្រុមរបស់លោក Tite ដល់១៤.២% នៃឱកាសទាំងអស់ដើម្បីឈ្នះពានហើយ ២២.៥%អាចឡើងដល់វគ្គផ្ដាច់ព្រ័ត្រ។
14.2% – Based on our World Cup predictor, Opta give Brazil the highest chance of winning the 2018 World Cup (14.2%), followed by Germany (11.4%). Probability. pic.twitter.com/TKDTdilCqk
— OptaJoe (@OptaJoe) December 1, 2017
ចំណែកក្រុមការពារដំណែងជើងឯកអាល្លឺម៉ង់ ស្ថិតក្នុងលំដាប់ទី២ដោយមាន១១.៤% ខណៈអាហ្សង់ទីន១០.៩ និងបារាំង១០.៥% ហើយក្រុមសល់ពីនេះមានត្រឹមតែ១០ភាគរយចុះក្រោមប៉ុណ្ណោះ។ អេស្ប៉ាញត្រូវជួបក្រុមអ្នកជិតខាងព័រទុយហ្គាល់ក្នុងពូល B ហើយក្រុមរបស់លោក Julen Lopetui ទទួលបាន៧៣.៦%ក្នុងការឡើងផុតពីវគ្គជម្រុះក្នុងពូលហើយក្រុមរបស់ Cristiano Ronaldo មាន៥៥.៦%។
តើ Opta មានវិធីយ៉ាងម៉េចបានចេញលទ្ធផលទស្សន៍ទាយបែបនេះ?
Opta’s @oilysailor and @GregorydSam have been discussing the outputs from Opta’s predictive model to look at the teams with the best chance of victory for 2018. Foretelling. https://t.co/MoLZlj9uS8
— Opta (@OptaSuit) December 1, 2017
Opta គឺជាវេបសាយទស្សន៍ទាយ និងស្វែងរកកំណត់ត្រាបាល់ទាត់គ្រប់សកម្មភាពក្នុងពិភពលោក ដោយគិតទៅលើប្រព័ន្ធទិន្នន័យ នៃការប្រកួតលក្ខណៈអន្តរជាតិកន្លងមកក្នុងជម្រុះ World Cup របស់ប្រទេសនីមួយ។ ក្រុមទាំងអស់ត្រូវគិតទីលើទម្រង់លេងបែបការពារ និងប្រយុទ្ធដោយគណនាទៅលើទម្រង់លេងកាលពីមុនជាមួយលទ្ធផល World Cup ជំនាន់មុន បូកជាមួយកំណត់ត្រាលទ្ធផលសំខាន់ៗ។
ទម្រង់លេងប្រយុទ្ធ និងការពារត្រូវបានសិក្សាទៅលើលទ្ធផលនាំការប្រកួតផ្លូវការក្នុង World Cup ពិសេសយកពី World cup 2010, 2014និង ផលចំណេញនៃការទទួលប្រកួតក្នុងទឹកដីខ្លួនឯង( “home advantages” ) ពីក្រុមម្ចាស់ផ្ទះ និងក្រុមភ្ញៀវ ។ ក្រុមដែលធ្លាប់ World cup 1970 ក៏ត្រូវយកមកគិតផងដែរ៕
