Manchester United សង្ឃឹមថានឹងបញ្ចុះបញ្ចូលខ្សែបម្រើកណ្តាលជនជាតិដាណឺម៉ាកកីឡាករ Christian Eriksen ឱ្យចូលរួមជាមួយពួកគេមុនរដូវកាលថ្មី។

ជាការពិតណាស់កីឡាករវ័យ 30 ឆ្នាំចង់បន្តនៅទីក្រុងឡុងដ៍ បន្ទាប់ពីបានត្រលប់មកវិញដោយជោគជ័យជាមួយ Brentford ក្នុងពាក់កណ្តាលរដូវកាលមុន។ ហើយ Eriksen សង្ឃឹមថានឹងបន្ត ខណៈពេលដែលត្រូវបានគេគិតថា Tottenham Hotspur ក៏មានបំណងចង់ចុះហត្ថលេខាលើគាត់ម្តងទៀតផងដែរ។

ទោះបីជាយ៉ាងណាក៏ដោយ មិនមានកិច្ចព្រមព្រៀងមួយណាត្រូវបានយល់ព្រមជាមួយក្លឹបណាមួយឡើយ ដែលជាហេតុធ្វើ Man Utd មានឱកាសក្នុងការផ្ទេរូបគាត់ដោយឥតគិតថ្លៃ។

គួរំលឹកផងដែរថា Eriksen មាន ជំងឺ គាំងបេះដូង ពេល លេង នៅ Euro 2020 កាលពី ខែមិថុនា មុន ប៉ុន្តែគាត់ អាច បន្ត អាជីព របស់គាត់ ឡើងវិញ បាន បន្ទាប់ពី ត្រូវបាន បំពាក់ ជាមួយ Implantable Cardioverter Defibrillator (ICD) ដែលជាឧបករណ៏តាមដានចង្វាក់បេះដូងអំឡុងពេលប្រគួតម្តងៗ ។

បន្ទាប់ពីត្រូវបានដោះលែងដោយ Inter Milan ដោយសារតែឧបករណ៍ ICD មិនត្រូវបានអនុញ្ញាតនៅក្នុង Serie A – Eriksen បានទទួលយកការផ្តល់ជូនរបស់ Brentford នៃកិច្ចសន្យារយៈពេលប្រាំមួយខែនៅក្នុងខែមករា ហើយអ្នកចាត់ការ Thomas Frank បាននិយាយម្តងហើយម្តងទៀតថាគាត់ ចង់រក្សាអតីតកីឡាករ Ajax ។

Eriksen បានចាកចេញពី Tottenham ទៅ Inter នៅខែមករាឆ្នាំ 2020 ដោយបានជួយឱ្យពួកគេឈ្នះពានរង្វាន់ Serie A ក្នុងឆ្នាំ 2020-21 ក្រោមការដឹកនាំរបស់គ្រូបង្វឹក Spurs បច្ចុប្បន្នលោក Antonio Conte ។

គួបញ្ជាក់ផងដែរថា មុនពេលដែលគាត់បានវិលត្រលប់ទៅលេងបាល់ទាត់ដែលមានការប្រកួតប្រជែងដោយចូលរួមជាមួយ Brentford លោក Conte បាននិយាយថា “ទ្វារតែងតែបើកចំហ” សម្រាប់គាត់ហ្វឹកហាត់ជាមួយ Tottenham ។

ប្រភព ៖ BCC