ក្រុមបាល់ទាត់ណាហ្គាវើល និងក្រុមបឹងកេត សុទ្ធតែយកឈ្នះលើគូប្រកួតដ៏លើសលប់រៀងៗខ្លួនក្រុមការប្រកួតបាល់ទាត់ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន (Hun Sen Cup) រដូវកាលឆ្នាំ២០១៧ វគ្គជម្រុះដំណាក់កាលទី៤ ក្នុងជំនួបបញ្ចប់ការប្រកួតជើងទី១ នៅល្ងាចថ្ងៃសៅរ៍ ទី២៤ ខែមិថុនា ឆ្នាំ២០១៧ ម្សិលមិញនេះ។
នៅក្នុងវគ្គជម្រុះជុំទី៤ នេះមានក្រុមទាំងអស់ចំនួន៨គូហើយក្រុមទាំងនេះបានចាប់គូគ្នា ប្រកួតចំនួន២ជើងដើម្បីស្វែងរកក្រុមខ្លាំងឡើងទៅជុំទី៥ ក្នុងវគ្គ៨ក្រុមចុងក្រោយ។
សរុបលទ្ធផលជើងទី១ ជុំទី៤នេះ៖
-ព្រះខ័នរាជស្វាយរៀង ៨-០ ខេត្តកំពត
-ភ្នំពេញក្រោន ៦-០ យុវជនសាលាបាល់ទាត់ជាតិបាទី
-អគ្គស្នងការដ្ឋាននគរបាលជាតិ ៤-១ សូលទីឡូអង្គរ
-អាស៊ីអឺរ៉ុប ០-២ ក្រុមគីរីវង់សុខសែនជ័យ
-ក្រសួងការពារជាតិ ៦-០ ខេត្តស្ទឹងត្រែង
-ខេមបូឌានថាយហ្គឺរ ៣-០ អគ្គីសនីកម្ពុជា
-ណាហ្គាវើល ១៤-០ ខេត្តស្វាយរៀង
-បឹងកេត ១៤-១ ឧត្តរមានជ័យ
ចំពោះជើងទី២ វិញនឹងធ្វើធ្វើឡើងនៅ២ថ្ងៃផ្សេងគ្នា ដោយប្តូរទាំងដីគ្នាវិញ ខណៈថ្ងៃដំបូងធ្វើឡើងនៅថ្ងៃទី១៣ ខែកញ្ញា ហើយថ្ងៃទី២ ធ្វើឡើងនៅថ្ងៃទី១៨ ខែតុលា មុនស្វែងរកក្រុមខ្លាំងចំនួន៨ក្រុមឡើងទៅជុំទី៥។ តាមគម្រោងវគ្គ៨ក្រុមចុងក្រោយនឹងរៀបចំចំនួន២ជើងដែរដោយជើងទី១ ធ្វើឡើងនៅថ្ងៃទី២៥ ខែតុលា ហើយជើងទី២ធ្វើឡើងនៅ ២២វិច្ឆិកា ខណៈវគ្គពាក់កណ្ដាលផ្ដាច់ព្រ័ត្រធ្វើឡើងនៅថ្ងៃទី ២៩ខែវិច្ឆិកា និងថ្ងៃទី២ ខែធ្នូ និងចុងក្រោយវគ្គចំណាត់ថ្នាក់លេខ៣និងវគ្គផ្ដាច់ព្រ័ត្រធ្វើឡើងនៅថ្ងៃទី២៧ ខែធ្នូ ឆ្នាំ២០១៧៕
