នៅថ្ងៃទី ២៥ ខែ មករា ខាងមុខនេះ គណៈកម្មការប្រកួតបាល់ទាត់ជាតិកម្ពុជា បានរៀបចំកម្មវិធីដែលមិនធ្លាប់មានពីមុនមកគឺ ពិធីប្រគល់ពានរង្វាន់បាល់ទាត់កម្ពុជា នាសាលមហោស្របកោះពេជ្រ ពីម៉ោង ៦:០០ ដល់ ម៉ោង ៨:០០ល្ងាច។
កម្មវិធីនេះរៀបចំដើម្បីប្រគល់ពានរង្វាន់ដល់កីឡាករល្អ កីឡាករទាត់បាល់បញ្ចូលទីច្រើនជាងគេ គ្រូបង្វឹកល្អជាងគេប្រចាំឆ្នាំ និងពានរង្វាន់ផ្សេងៗទៀត នៃពានរង្វាន់សម្តេចអគ្គមហាសេនាបតីតេជោ ហ៊ុន សែន និងលិគកំពូលកម្ពុជា Metfone Cambodian League ដោយមានការចូលរួមរបស់គ្រូបង្វឹក កីឡាករគ្រប់ក្លឹបទាំងអស់ និងមានកម្មវិធីសំដែងរបស់ក្រុម Small World Small Band ផងដែរ។
សំបុត្រនឹងចាប់ ផ្តើមលក់ចាប់ពីថ្ងៃទី ១៩ ខែមករានេះតទៅ នៅពហុកីឡដ្ឋានជាតិអូឡាំពិក ខណៈតម្លៃ៤០០០រៀលក្នុង១សំបុត្រ។
