ទូរទស្សន៍ BTV News នឹងធ្វើការផ្សាយបន្តផ្ទាល់កម្មវិធី ចាប់ឆ្នោតជ្រើសរើសពូលពានរង្វាន់ AFC Champions League និងAFC Cup 2018 ដែលនឹងប្រព្រឹត្តិទៅនៅថ្ងៃ ទី ៦ ធ្នូ ឆ្នាំ ២០១៧ស្អែកនេះ នៅទីស្នាក់ការរបស់សហព័ន្ធបាល់ទាត់អាស៊ី ក្នុងប្រទេសម៉ាឡេស៊ី។
សម្រាប់កម្ពុជាមានកៅអីវគ្គជម្រុះ Play-off ពាន AFC Cup មួយដែរគឺវគ្គជម្រុះដំបូងក្នុងតំបន់អាស៊ាន ដែលត្រូវជួបនឹងក្រុមជើងឯករងលីកកំពូលហ្វីលីពីន។ ក្នុងតំបន់អាស៊ីអាគ្នេយ៍មានតែ៨ប្រទេសប៉ុណ្ណោះ ដែលមានក្លឹបចូលរួមក្នុងពានលំដាប់អាស៊ីមួយនេះ ខណៈព្រុយណេ និងទីម័រ ខាងកើតគ្មានឈ្មោះចូលរួមនោះទេ។
ការចាប់ឆ្នោតនឹងធ្វើឡើងនៅវេលាម៉ោង ១ និង០០នាទី រសៀល ដល់១ និង ៣០នាទី ថ្ងៃ ទី ៦ខែ ធ្នូឆ្នាំ២០១៧៕
