ខ្សែ​បម្រើ​ក្រុម​ភ្នំពេញ​ក្រោន​ កីឡាករ អ៊ុក សុធី​ត្រូវ​បាន​លោក ប្រាក់ សុវណ្ណារ៉ា​​កោះហៅ​ឲ្យ​ចូលរួម​ជាមួយ​ក្រុម​ជម្រើស​ជាតិ​កម្ពុជា​សារ​ជា​ថ្មី​ ក្រោយ​ខកខាន​អស់​រយៈ​ពេល​ដ៏​យូរ​ដើម្បី​ប្រកួត​មិត្តភាព​ជាមួយ​មីយ៉ាន់ម៉ា​និងជម្រុះAFC Asian Cup 2019 ជាមួយ​ហ្សកដានី។

Image result for Ouk Sothy

ក្នុង​រដូវ​កាល​នេះ​បុរស​មាន​វ័យ​២៩​ឆ្នាំ​ធ្លាប់​គេ​ហៅ​ថា​ម៉េសស៊ី ភ្នំពេញក្រោន​​ ហាក់​មិន​បាន​ចូល​លេង​ក្នុង​ជម្រើស​ដំបូង​១១​នាក់​ជាប់​លា​ប់​នោះ​ទេ​ ប៉ុន្តែ​រូប​គេ​បាន​ប្ដេជ្ញាថា​ រក​រក​ជ័យជម្នះ​ឲ្យ​កម្ពុជា​ហើយ​ប្រឹងប្រែង​ប្រយុទ្ធ​ដល់​ទី​បំផុត។

“​ខ្ញុំ​ពិត​ជា​រីករាយ​ និង​ភ្ញាក់ផ្អើល​ដែល​មានឱ​កាស​ចូល​លេង​ក្នុង​ជម្រើស​ជាតិ​ម្ដងទៀត ​ដែល​នេះ​ជា​ក្ដី​សុបិន​របស់​កីឡាករ​គ្រប់ៗគ្នា​ដែល​ចង់​លេង​តំណាង​ឲ្យ​ជាតិ។” ផេក The Morning បាន​ស្រង់​សម្ដី​សុធី ដូចនេះ។

“ក្រុម​ជម្រើស​ជាតិមីយ៉ាន់ម៉ា ​និង​ហ្សកដានី​​គឺ​ជា​ក្រុម​ខ្លាំង ​ហើយ​វា​ពិត​ជា​មិន​ងាយស្រួលនោះ​ទេ ​ដែល​ចង់​យក​ឈ្នះ​ ប៉ុន្តែ​សម្រាប់​ការ​រៀប​ចំ​ ហ្វឹកហាត់​របស់​ពួក​យើង​ យើង​នឹង​ទទួល​បាន​លទ្ធផល​ល្អ​ហើយ​ ការ​ខិតខំ​ប្រឹង​ប្រែង​អស់​ពីសមត្ថភាពហើយ​កីឡាករ​ទាំង​អស់​ត្រៀម​រួច​រាល់​ក្នុង​ការ​ប្រកួត”។

Image may contain: 1 person, playing a sport and outdoor

ក្រុមជម្រើស​ជាតិ​កម្ពុជា​នឹង​ត្រូវ​ជួប​មីយ៉ាន់ម៉ា​នៅ​ថ្ងៃ​ទី​០៩​វិច្ឆិការ​វេលា​ម៉ោង​៦​ និង​៣០​នាទី​ក្នុង​ពហុកីឡដ្ឋានជាតិ​ខណៈ​ជួប​ហ្សកដានី​នៅ​ថ្ងៃ​ទី​១៥​ខែ​វិច្ឆិកា​ក្នុង​កីឡដ្ឋាន​ដដែល។

តើ​ អ៊ុក សុធី​អាច​ជាប់​ជម្រើស​ដំបូង​ក្នុង​ការ​ប្រកួត​ទាំង​ពីរ​លើក​នេះ​ដែរ​ឬ​ទេ?

រូបភាព៖ FFC, ប្រភព៖ The Morning