ក្រុមព្រះខ័នរាជស្វាយរៀងបានឡើងវគ្គផ្ដាច់ព្រ័ត្រពានរង្វាន់ Hun sen Cup ហើយក្រោយឈ្នះក្រុមអគ្គិសនីកម្ពុជា សរុបគ្រាប់បាល់ទាំងពីជើង៦ទល់៤ ខណៈជើងទី២ដែលទើបចប់មិញៗនេះក្នុងលទ្ធផលស្វាយរៀងឈ្នះ៤ទល់២។
ការប្រកួតនេះបន្តរហូតដល់វគ្គនាទីបន្ថែម១៥នាទី២ដង។ និយាយការប្រកួតក្នុង៩០នាទីផ្លូវការ ក្រុមទាំងពីរទទួលបានលទ្ធផល១-១។ សុខ ចាន់រស្មី ទាត់បាល់ពិន័យហ្រ្វីឃីកឲ្យអគ្គិសនីនាំមុខនៅនាទី៦៦ ប៉ុន្តែណុប តុលា បានរកគ្រាប់បាល់តាមស្មើឲ្យស្វាយរៀងវិញ នៅនាទី៧៦។ លទ្ធផលនេះ បន្តរហូតចប់៩០នាទីហើយបន្ថែម១៥នាទី២ដងទៀត។
ម៉ោង១៥នាទីវគ្គទី១ ស្វាយរៀងរកបាន៣គ្រាប់ដោយកីឡាករ ហូយ ផល្លីននាទី៩៣ នេន សុធារ័ត្ននាទី១០៤ និងសុក សំណាងនាទី១០៦។ចំណែកសុខ ចាន់រស្មីបន្ថែមបានមួយគ្រាប់ទៀតឲ្យ EDC នៅនាទី១១៨នាទីបន្ថែម១៥នាទីវគ្គទី២។ យ៉ាងណាក្ដី! លទ្ធផលនេះគឺស្វាយរៀងឡើងទៅវគ្គផ្ដាច់ព្រ័ត្រជួបក្រុមណាហ្គាវើល៕
