ក្រុមបឹងកេតអង្គរបានធ្វើដំណើរទៅកាន់ប្រទេសវៀតណាមហើយ ដើម្បីទៅសួរសុខទុក្ខក្រុមម្ចាស់ផ្ទះលីកកំពូលវៀតណាម Sanna Khanh Hoa BVN FC ក្នុងពានរង្វាន់ Toyota Mekong Club Championship 2017 នៅកីឡដ្ឋាន Hang Day Stadium នៅថ្ងៃសៅរ៍នេះ។
សម្រាប់បឹងកេតអង្គរហាក់ពិបាកបន្តិច ពេលជួបក្រុមម្ចាស់ផ្ទះវៀតណាម ដោយសារតែអាកាសធាតុត្រជាក់ពេកនៅទីក្រុងហាណូយ ខណៈក្រុមកំពូលតារាងលីកកំពូលកម្ពុជាមួយនេះ មិនបានរៀបចំក្រុមជុំគ្នាបានល្អដោយសារទើបតែចប់ការប្រកួតក្នុងលីកកាលពីសប្ដាហ៍មុនប៉ុណ្ណោះ។
បែបនេះក្ដី! ខ្សែប្រយុទ្ធបឹងកេតអង្គរ Maycon Calijuri នៅតែមានសុទ្ធិ និយម អាចនាំយកលទ្ធផលវិជ្ជមានត្រឡប់មកកាន់ទីក្រុងភ្នំពេញវិញនៅជើងទី២។ និយាយក្នុងសន្និសីទកាសែតមុនការប្រកួតកីឡាករប្រេស៊ីលរូបនេះបាននិយាយថា៖
” យើងមានកីឡាករល្អ យើងជាក្រុមលេខមួយនៅលីកកំពូលកម្ពុជា ហើយខ្ញុំគិតថាយើងអាចឈ្នះ”។
“ ជាការពិតណាស់! គ្រប់ការប្រកួតគឺខុសៗគ្នា ហើយយើងគ្មានពេលវេលាច្រើនក្នុងការរៀបចំក្រុមសម្រាប់ការប្រកួតនេះពីព្រោះការប្រកួតក្នុង Cambodian League មិនទាន់បញ្ចប់ ហើយយើងលេងក្នុងការប្រកួតជាច្រើនផងដែរ។ ប៉ុន្តែយើងនឹងប្រឹងឲ្យអស់ពីសមត្ថភាព ហើយសង្ឃឹមថាអាចយកលទ្ធផលវិជ្ជមានត្រឡប់ទៅផ្ទះវិញបាន”៕
