ក្រុមក្រសួងការពារជាតិបានយកឈ្នះក្រុមណាហ្គាវើលក្នុងលទ្ធផលបាល់១១ម៉ែត្រកាត់សេចក្ដី៤ទល់៣ក្នុងវគ្គក្រុមលេខ៤ត្រូវក្រុមលេខ៣ពានរង្វាន់ Cambodian League រដូវកាល២០១៧ក្រោយចប់៩០នាទីនិងបន្ថែម១៥នាទី២ដង់ដោយលទ្ធផល០-០។
ក្នុងម៉ោងផ្លូវការ៩០នាទីក្រុមទាំងពីរមានឱកាសទាត់បញ្ជូលទីគ្នាទៅវិញទៅមកដែរ ប៉ុន្តែមិនសម្រេចនោះទេ បានត្រឹមបុកបង្គោលទីនិងអ្នកចាំទីសង្គ្រោះបាន។ រហូតដល់ម៉ោងបន្ថែម១៥នាទី២ដងក្រុមទាំងពីរនៅតែមិនអាចបំបែកពងមាន់បានហើយក៏បន្តដល់វគ្គទា់បាល់១១ម៉ែត្រកាតសេចក្ដី។
ក្រុមណាហ្គាវើលធ្វើបានសម្រេចបីគ្រាប់ដោយ Kipson, Kento, និងប្រធានក្រុមគួច សុគុម្ភៈ ខណៈ គួច ដានីទាត់ចូលទីដែរតែមិនអនុញ្ញាតដោយសារទាត់ខុសលក្ខខណ្ឌ ចំណែកមួយគ្រាប់ចុងក្រោយ សួង វិរៈទាត់មិនចូលត្រូវ អ៊ុំ សេរីរ័ត្នសង្គ្រោះបាន។
៤គ្រាប់របស់ការពារសម្រចដោយ Ry Hyok-Chol, Kim Kyong-Hun, Choe Myong-Ho និងសុខ ហ៊ាង។ លទ្ធផលនេះធ្វើឲ្យការពារជាតិត្រូវជួបក្រុមលេខ២ព្រះខ័នរាជស្វាយរៀងក្នុងកីឡដ្ឋានខេត្តស្វាយរៀងខណៈណាហ្គាអស់ឱកាសត្រឹមនេះ៕
រូបភាព៖ក្រសួងការពារជាតិ
