កាលពីម្សិលមិញ ក្រុមចំណូលថ្មី វិសាខា បានយកឈ្នះក្រុមក្រសួងការពារជាតិក្នុងសប្តាហ៍ទី៦ នៃលីគកំពូលកម្ពុជាល្ងាចថ្ងៃសៅរ៍នេះ ដោយលទ្ធផល ២-០ នៅកីឡដ្ឋានវេស្ទើន។
នៅក្នុងការប្រកួតទាំងពីរវគ្គកាលពីម្សិលមិញក្រុមទាំង២បានបង្ហាញទម្រង់លេងយ៉ាងល្អដូចៗគ្នា ខណៈវិសាខាហាក់ដូចជាមានសំណាងជាង ដោយ២គ្រាប់របស់ សាន គឹមហេង រកបាននៅចុងវគ្គទី១ និងនៅនាទីទី៧៤នៃវគ្គទី២ ដែលនេះគឺជាគ្រាប់ទី៣របស់គេក្នុងលីគកំពូលកម្ពុជា។ ដោយឡែក ក្រសួងការពារជាតិក៏មានឱកាសស៊ុតម្តងម្កាលដែរ ប៉ុន្តែធ្វើមិនបានសម្រេចដោយអ្នកចាំទី កែវ សុខសិលា ជួយសង្គ្រោះបានរហូត និងខ្សែការពាររបស់វិសាខា ក៏រឹងមាំថែមទៀត។
ចំណែកមួយគូទៀត ក្រុមអាស៊ីអឺរ៉ុប និងអង្គរថាយហ្គឺរ ចែកគ្នាបាន១ពិន្ទុម្នាក់ប៉ុណ្ណោះ បន្ទាប់ពីបញ្ចប់ការប្រកួតទៅដោយលទ្ធផល ២ទល់នឹង២៕
ទស្សនាវីដេអូហាយឡាយ៖
