​ក្រុម​បាល់ទាត់​ជម្រើស​ជាតិ​​អាយុក្រោម២២​ឆ្នាំកម្ពុជា​​​ បានចាប់ផ្ដើមហ្វឹកហាត់បានចំនួន១ថ្ងៃហើយ ដើម្បី​ចូល​រួម​ប្រកួត​​ពាន​រង្វាន់ KBZ Bank Cup ​2017 នៅ​ប្រទេស​មីយ៉ាន់ម៉ា​​ចាប់​ផ្ដើម​ថ្ងៃ​ទី​២៨ ខែ​មិថុនា ដល់​ថ្ងៃ​ទី២ ខែ​កក្កដា ឆ្នាំ​២០១៧។

ការហ្វឹកហាត់របស់ក្រុមទាំងមូលគឺស្ថិតនៅក្រោមការដឹកនាំពីសំណាក់ លោក Leonardo Vitorino រួមទាំងក្រុមគ្រូជំនួយជាច្រើនរូបទៀត។

​កម្មវិធី​ហ្វឹកហាត់ទាំងស្រុង និងកម្មវិធីប្រកួត:

កាលពីថ្ងៃទី១៨ ខែមិថុនា សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាកចំនួន២៣រូប មកពីក្លិបដែលកំពុងប្រកបអាជីពនៅលីគកំពូលកម្ពុជា ដើម្បីត្រៀមប្រកួតក្នុងពានរង្វាន់ក្រៅផ្លូវការមួយនៅប្រទេសមីយ៉ាន់ម៉ា ដែលមានឈ្មោះថា KBZ Bank Cup 2017 ដោយមានប្រទេសចំនួន៤ចូលរួមប្រកួត រួមមានម្ចាស់ផ្ទះ U-22 មីយ៉ាន់ម៉ា, ក្រុមបាល់ទាត់ Japan Universiad, ក្រុមជម្រើសជាតិអាយុក្រោម២២ឆ្នាំកម្ពុជា និងក្រុមបាល់ទាត់អាយុក្រោម២២ឆ្នាំ កោះហុងកុង ដែលគ្រោងនឹងចាប់ផ្ដើមពីពីថ្ងៃទី ២៨ ខែ មិថុនា រហូតដល់ថ្ងៃទី ០២ ខែ កក្កដា ឆ្នាំ ២០១៧។

បញ្ជាក់ការហ្វឹកហាត់នៅម៉ោង៣រសៀលថ្ងៃសៅរ៍ នឹងត្រូវប្ដូរទៅហ្វឹកហាត់នៅម៉ោង​៩ព្រឹកថ្ងៃដដែលវិញ៕

 

រូបភាព: សហព័ន្ធកីឡាបាល់ទាត់កម្ពុជា