តាមរយៈការចាប់ឆ្នោតព្រឹត្តិការណ៍ M-150 Cup ក្នុងប្រទេសថៃ ក្រុមជម្រើសជាតិ U23ថៃ នឹងត្រូវជួបក្រុមជើងខ្លាំងU23ជប៉ុន និង U23កូរ៉េខាងជើង ក្នុងពូល A។
ចំណែក វៀតណាមU23 នឹងត្រូវជួបក្រុមរួមតំបន់អាស៊ាន មីយ៉ាន់ម៉ា U23 និង U23អ៊ូបេគីស្ថាន។ ក្រុមទាំង៦នេះនឹងធ្វើការប្រកួតវិលជុំចាប់ពីថ្ងៃទី០៩ ធ្នូ ដល់ ១៣ធ្នូ ក្នុងកីឡដ្ឋាន I-Mobile Stadium របស់ក្លឹបយក្សថៃ Burriram United ។ក្រុមកំពូលតារាងនៃពូលទាំងពីរ នឹងត្រូវជួបគ្នានៅវគ្គផ្ដាច់ព្រ័ត្រ។
ចំណែកក្រុមដែលឈ្នះជើងឯក M-150 Cup នេះនឹងទទួលបានប្រាក់រង្វាន់ ២០០០០ដុល្លារ។ M-150 Cup គឺជាពានរង្វាន់មិត្តភាពកម្ដៅសាច់ដុំ សម្រាប់មកពីទ្វីបអាស៊ី ដើម្បីរៀបចំសម្រាប់ការប្រកួតពាន U23 Asian cup ដែលនឹងធ្វើឡើងនៅប្រទេសចិនក្នុងថ្ងៃទី៩មករាដល់១៨មករាឆ្នាំ២០១៨ខាងមុខ៕
