គ្រូបង្វឹកជម្រើសជាតិវៀតណាមលោក Nguyen Huu Thang បានប្រកាសឈ្មោះកីឡាករជម្រើសជាតិ២៨នាក់ ត្រៀមប្រកួតក្នុងពានរង្វាន់ AFC Asian cup 2019 ជាមួយជម្រើសជាតិហ្សកដានី។
ក្នុងចំណោមកីឡាករទាំងអស់កីឡាករចំនួន៧នាក់ ដែលទើបចប់ភារកិច្ចលេង World Cup U20 ត្រូវបានកោះហៅចូលក្នុងឈុតធំជាលើកដំបូង ដែលរួមមានដូចជា៖ Nguyen Quang Haiនិង Ha Duc Chinh ជាដើម។ ទោះបីជាក្រុម U20 វៀតណាមបានលេងត្រឹមវគ្គក្នុងពូល ប៉ុន្តែពួកគេត្រូវបានកោតសរសើរយ៉ាងខ្លាំង ក្រោយចូលរួមលេង World Cup U20 ហើយរកបានមួយពិន្ទុដោយស្មើជាមួយ U20 នូវែលហ្សេឡង់។
វៀតណាមនឹងទទួលភ្ញៀវហ្សកដានីនៅថ្ងៃ ទី ១៣ មិថុនាខាងមុខ ក្នុងពាន 2019 AFC Asian Cup វគ្គជម្រុះ បន្ទាប់ពីបានលទ្ធផលត្រឹមស្មើ អាហ្វហ្គានីស្ថាន១-១កាលពីខែមិនា៕
