ក្រុមជម្រើសជាតិមីយ៉ាន់ម៉ា ត្រូវបានក្រុមមកពីអាស៊ីកណ្ដាលកៀហ្ស៊ីស៊ីស្ថាន ស៊ីយ៉ាងចាស់ដៃក្នុងលទ្ធផលដល់ទៅ៥ទល់១ក្នុងការប្រកួតពានរង្វាន់ AFC Asian Cup ជុំចុងក្រោយនៅមុននេះបន្តិច។
ចូលវគ្គទីមួយលេងបានត្រឹម២នាទីកីឡាករ Islam Shamshiev រកបានមួយគ្រាប់ឲ្យ កៀហ្ស៊ីស៊ីស្ថាន ហើយបីនាទីក្រោយមកពោលគឺនាទីទី៥ Anton Zemlyanukhin បន្ថែមគ្រាប់បាល់នាំមុខមួយគ្រាប់ទៀត ហើយលទ្ធផលនេះបន្តរហូតដល់ចប់វគ្គ។
ចូលវគ្គទី២ក្រុមមួយនេះ បានវាយសម្រុកទៅលើមីយ៉ាន់ម៉ាដូចទឹកបាក់ទំនប់ ហើយក៏រកបាន៣គ្រាប់បន្ថែមដោយកីឡាករ Anton Zemlyanukhinនៅនាទី៦៣, Vitalij Luxនាទី៧៤ និង Bekzham Sagynbaev នាទី៨៨។ កីឡាករ Htet Kyae Zin រកបានមួយគ្រាប់ជារង្វាន់លួងចិត្តឲ្យជម្រើសជាតិទៅពីអាស៊ាន។
លទ្ធផលនេះក្រុម កៀហ្ស៊ីស៊ីស្ថាន បានកក់កៅអីឡើងទៅវគ្គចែកពូលផ្ដាច់ព្រ័ត្រ AFC Asian Cup ជាលើកដំបូងក្នុងប្រវត្តិសាស្រ្តបាល់ទាត់របស់ខ្លួន នៅអេមីរ៉ាតអារ៉ាប់រួមខណៈមីយ៉ាន់ម៉ាអស់ឱកាសត្រឹមនេះ។ ប្រកួតក្រោយមីយ៉ាន់ម៉ា ត្រូវជួបក្រុមបាតតារាងម៉ាកាវនៅថ្ងៃទី២៧ក្នុងទឹកដីខ្លួនឯង៕
