ការ​ប្រកួត​ជម្រុះ​ជុំ​ចុង​ក្រោយ​ដើម្បី​រក​ក្រុម​ទាំង​២៤​ ឡើង​ទៅ​លេង​វគ្គ​ផ្ដាច់​ព្រ័ត្រ​ពាន​រង្វាន់ ​AFC Asian Cup 2019 នៅ​ប្រទេស​អេមីរ៉ាតអារ៉ាប់រួម​បាន​រក​ឃើញ​អស់​ហើយ ​ខណៈ​មាន​ក្រុម​នៅ​អាស៊ាន​៣​មាន​ឈ្មោះ​ឡើង​ធ្វើ​ព្យុះភ្លៀង​នៅ​ឆ្នាំ​២០១៩។

សម្រាប់​ក្រុម​ថៃ​មាន​ឈ្មោះ​ក្នុង​ការ​ប្រកួត​នេះ​វគ្គ​ផ្ដាច់​ព្រ័ត្រ​នេះ​រួច​ទៅ​ ហើយ​ក្រោយ​ជាប់​តាំង​ពី​ឆ្នាំ​២០១៧​ក្នុង​វគ្គ​ជម្រុះ​ជុំ​ទី​២​។​ ចំណែក​វៀតណាម​ និង​ហ្វីលីពីន​ទើប​តែ​ឡើង​កាល​ពី​យប់​មិញ​នេះ​ទេ។

វៀតណាម​ស្ថិត​ក្នុង​ពូល​C មាន​កម្ពុជា​ ហ្ស៊កដានី​ និង​អាហ្វហ្គានីស្ថាន ​ហើយ​វៀតណាម​ឈរ​លេខ​២​ក្នុង​ពូល​ក្រោយ​ឈ្នះ​២​និង​ស្មើ​៤​មាន​មាន​១០​ពិន្ទុ​ឡើង​ទៅ​ឡើង​ទៅ​ជាមួយ​ហ្ស៊កដានី។ ចំណែក​ហ្វីលីពីន​ឡើង​កាល​ពី​យប់​មិញ​ដែរ​ ក្រោយ​ឈ្នះ​ក្រុម​តាហ្ស៊ីគីស្ថាន​១​ទល់​០​កាល​ពី​យប់​មិញ​ឈរ​កំពូល​តារាង​ពូល​F មាន​១២​ពិន្ទុ​ ក្រោយ​ឈ្នះ​៣​និង​ស្មើ​៣។ក្នុង​ពូល​នេះ​ជម្រើស​ជាតិ​យេម៉ែន​ក៏​ឡើង​ទៅ​ដែរ។

ចំណែក​ថៃ​ជា​ក្រុម​ឡើង​កាល​វគ្គ​ជម្រុះ​ជុំ​ទី​២ ​ជាមួយ​​កំពូល​តារាង​ពូល​ទាំង​៨​ មាន​អារ៉ាប៊ីសាអូឌីត, ​អូស្ត្រាលី, ​កាតា, អ៊ីរ៉ង់ ជប៉ុន កូរ៉េ​ខាងត្បូង​ និង​អ៊ូសបេគីស្ថាន​៕