Gabriel Jesus បានបង្ហាញភាពអស្ចារ្យរួចទៅហើយ ហើយគាត់អាចឡើងដល់កម្រិត Ronaldo ដែលជាអ្នករកគ្រាប់បាល់បានច្រើនជាងគេនៅជម្រើសជាតិប្រេស៊ីល នេះបើតាមសម្ដីរបស់ Dani Alves។
ខ្សែការពារជម្រើសជាតិប្រេស៊ីល កីឡាករ Dani Alves បាននិយាយសរសើរមិត្តរួមក្រុមជម្រើសជាតិ Gabriel Jesus ថាគឺជា Ronaldo ថ្មី។ រូបនេះគេនិយាយបែបនេះក្នុងការប្រកួតមិត្តភាពជាមួយអង់គ្លេសក្នុងកីឡដ្ឋាន Wembley។
ខ្សែប្រយុទ្ធ Manchester City រូបនេះរកបាន៨គ្រាប់រួមទាំងគ្រាប់បាល់ចុងក្រោយក្នុងការប្រកួតមិត្តភាពដែលក្រុមសំបារប្រេស៊ីលឈ្នះក្រុមសាម៉ូរ៉ៃជប៉ុន៣ទល់១ ហើយរូបគេត្រូវបានគេចាត់ទុកជាកីឡាករសំខាន់សម្រាប់ World Cup 2018 នៅរុស្សីខាងមុខ។
Veja como foi o treino da #SeleçãoBrasileira ontem! Hoje tem mais preparação para o amistoso contra a Inglaterra. #GigantesPorNatureza pic.twitter.com/bScjoScD1X
— CBF Futebol (@CBF_Futebol) November 13, 2017
កីឡាករមានប្រភពពីក្លឹប Palmeiras របស់លីកកំពូលប្រេស៊ីលក៏បានរកគ្រាប់បញ្ជូលទីបាន៧គ្រាប់ក្នុងក្របខណ្ឌ Premier League ដែលវាគ្រប់គ្រាន់សម្រាប់ Alves លើកឡើងជាអ្នកស្នងដំណែងអតីតខ្សែប្រយុទ្ធប្រេស៊ីល និង Real Madrid។
“ ខ្ញុំមិននិយាយលេងទេ ពេលដែលខ្ញុំហៅគាត់ថា Ronaldo ថ្មី។ ពួកគេមានស្ថានភាពស្រដៀងគ្នា។ គាត់បង្ហាញភាពអស្ចារ្យរួចទៅហើយ ហើយនឹងកាន់តែប្រសើឡើងជាលំដាប់”Alves និយាយក្នុងសន្និសិទមុនការប្រកួត។
“ សម្រាប់អ្វីដែលគាត់បានធ្វើ គ្រប់យ៉ាងដែលគាត់សម្រេចបាន គ្មានសម្ពាធនោះទេ គាត់កំពុងធ្វើនូងអ្វីដែលគាត់ស្រឡាញ់”។
ប្រេស៊ីលត្រូវបានគេរំពឹងថានឹងដាល់កីឡាករពេញជើងពេលលេងទល់នឹងក្រុមរបស់លោក Gareth Southgate ខណៈ Philipe Coutinho នឹងជាប់ជម្រើសដំបូងទោះបីត្រូវអង្គុយកៅអីបម្រុងនៅ Liverpool ៣ប្រកួតចុងក្រោយក៏ដោយ៕
