ក្លឹបអ្នកមានអេស្ប៉ាញ Real Madrid ត្រូវបានបណ្តាញសារព័តមានមួយចំនួនបានចុះផ្សាយឲ្យដឹងថាក្លឹបកំពុងរៀបគម្រោងដណ្តើមយកកំពូលខ្សែប្រយុទ្ធមួយរូបពី PSG ដើម្បីមកជំនួសដំណែងរបស់ខ្សែប្រយុទ្ធឆ្នើម Cristiano Ronaldo នៅពេលខាងមុខ។
យោងតាមការសែតអេស្ប៉ាញ Mundo Deportivo បានចុះផ្សាយឲ្យដឹងថា ប្រធានក្លឹប Real Madrid លោក Florentino Perez កំពុងតែសម្លឹងឃើញចង់បានកំពូលខ្សែប្រយុទ្ធកំពុងឡើងជើងខ្លាំងរបស់ PSG, Neymar ដើម្បីត្រៀមយកមកជំនួសដំណែង Cristiano Ronaldo នៅពេលខ្សែប្រយុទ្ធវ័យ៣២ឆ្នាំរូបនេះចូលនិវត្តន៍ពីអាជីពបាល់ទាត់។
ដោយឡែកបច្ចុប្បន្ននេះ ក្លឹបសម្បូរលុយ Real Madrid អាចនឹងកំពុងបញ្ចុះបញ្ចូល និងពិភាក្សាជាមួយតម្លៃខ្លួនរបស់ខ្សែប្រយុទ្ធឆ្នើមវ័យ២៥ឆ្នាំសញ្ជាតិប្រេស៊ីលខាងលើឲ្យត្រឡប់មកកាន់អេស្ប៉ាញវិញ៕
