លោក Jose Mourinho បានសរសើរពីគុណភាពរបស់ Victor Lindelof ដែលរូបគេនឹងនាំយកបង្ហាញក្នុងក្រុមបិសាចក្រហម បន្ទាប់ពីកីឡាកររូបនេះ ទើបចុះកុងត្រាផ្លូវការជាមួយក្លឹបកាលពីល្ងាចថ្ងៃពុធ។
Lindelofមានវ័យ២២ឆ្នាំ មានព័ត៌មានផ្ទេរមកលេងនៅ Old Trafford កាលរដូវកាលដោះដូរកីឡាករកាលពីខែមករាដើមឆ្នាំមកម្លេះ ហើយបិសាចក្រហមបានសម្រចជោគជ័យកក្នុងការចុះកុងត្រាអតីតកីឡាករ Benfica រូបនេះ ខណៈ Chelsea ក៏បង្ហាញការចាប់អារម្មណ៍ផងដែរ។
លោក Jose កំពុងបង្កើនភាពខ្លាំងឲ្យក្លឹប សម្រាប់រដូវកាលក្រោយ ដោយបន្ថែមកីឡាករមានគុណភាពខ្ពស់ ទៅក្នុងក្រុមហើយលោកបានជឿថា ខ្សែការពារកណ្ដាលសញ្ជាតិស៊ុយអែត នឹងជាការបន្ថែមដ៏អស្ចារ្យទៅក្នុងជួរការពារ។
“ Victor គឺជាកីឡាករ វ័យក្មេងមានទេពកោសល្យបំផុត ហើយគាត់នឹងជាតម្លាំងសំខាន់សម្រាប់ក្លឹប” Mourinho និយាយក្នុងកិច្ចចុះព្រមព្រៀង។
“ រដូវកាលមុនរបស់ពួកយើងបង្ហាញថា យើងត្រូវការជម្រើស និងសមត្ថភាពដើម្បីបន្ថែមតំបន់ខ្វះខាត ហើយ Victor គឺជាកីឡាករដំបូងត្រូវមកចូលរួមជាមួយពួកយើងមុនគេក្នុងរដូវកាលនេះ។ ខ្ញុំដឹងថាក្រុមកីឡាករដ៏អស្ចារ្យរបស់ពួកយើង នឹងស្វាគមន៍គាត់ ហើយចាត់ទុកជាមនុស្សម្នាក់ក្នុងក្រុមរបស់យើង។”
Man Utd ក៏រំពឹងថាទទួលជោគជ័យក្នុងទិញយកខ្សែប្រយុទ្ធក្លឹប Real Madrid កីឡាករ Alvaro Morata នៅប៉ុន្មានថ្ងៃខាងមុខ៕
