ខ្សែមប្រើ Sadio Mane បានផ្ញើអាវបាល់ទាត់របស់ក្រុមហង្សក្រហម Liverpool ចំនួន ៣០០ ទៅឲ្យអ្នកភូមិខ្លួននៅសេណេហ្គាល់មុនការប្រកួតពានរង្វាន់ UEFA Champion League វគ្គផ្តាច់ព្រ័តចូលមកដល់នៅយប់នេះ។
អតីតសមាជិក Metz, Salzburg និង Southampton បានឲ្យដឹងថា៖ “ក្នុងភូមិខ្ញុំ មានប្រជាជនចំនួនប្រមាណ ២០០០ នាក់។ ខ្ញុំបានទិញអាវ Liverpool ចំនួន ៣០០អាវ ដើម្បីផ្ញើជូនពួកគេ ដូច្នេះពួកគេអាចពាក់អាវទាំងនោះ ពេលកំពុងទស្សនា Champions League វគ្គផ្ដាច់ព្រ័ត្រ”។
កីឡាករសេណេហ្គាល់សង្ឃឹមថានឹងអាចបង្ហាញមេដាយមាស UEFA Champions League ទៅកាន់អ្នកភូមិ ពេលខ្លួនត្រលប់ទៅលេងស្រុកនារដូវក្ដៅខាងមុខ។ គួរបញ្ជាក់ថា Liverpool នឹងត្រូវប៉ះជាមួយ Real Madrid ក្នុងវគ្គផ្ដាច់ព្រ័ត្រ Champions League នាយប់រំលងអាធ្រាត្រនេះដែលនឹងមានផ្សាយបន្តផ្ទាល់តាមកញ្ចក់ទូរទស្សន៍ CBS (CTN, CNC & MYTV) ផងដែរ៕
