ប្រិយមិត្តពិតជាដឹងហើយថាក្រុមណាខ្លះបានឡើងទៅវគ្គ៨ក្រុមចុងក្រោយខណៈដែល Bayern Munich និង Barcelona គឺជាក្រុមទី៧ ទី៨បានឡើងទៅក្រោយគេបន្ទាប់ពីឈ្នះគូប្រកួតរៀងៗខ្លួន។
អាណាចក្រកីឡា នឹងនាំប្រិយមិត្តមកដឹងពីចំណុចសំខាន់ខ្លះក្នុងការប្រកួតវគ្គ៨ក្រុមចុងក្រោយពាន UEFA Champions League។ ក្រុមទាំង៨ដែលឡើងមកវគ្គនេះគឺ៖ Real Madrid, Liverpool, Manchester City, Juventus, Roma, Sevilla, Bayern Munich, និងBarcelona។
កាលបរិច្ឆេទចាប់គូវគ្គ៨ក្រុមចុងក្រោយ គឺនៅវេលាម៉ោង១១ថ្ងៃត្រង់(ម៉ោងនៅអឺរ៉ុប)ថ្ងៃសុក្រទី១៦ មីនា ឆ្នាំ២០១៨ នៅទីក្រុង Nyon ប្រទេសស្វីស។
ចាប់គូដោយរបៀបណា?៖ ក្នុងវគ្គនេះក្រុមដែលមកពីប្រទេសតែមួយ លីកតែមួយអាចជួបគ្នាបានទាំងអស់ ហើយក្រុមដែលចាប់បានមុនគេ ដើម្បីរកដៃគូប្រកួតត្រូវលេងក្នុងទឹកដីខ្លួនឯងមុន។ ឧទាហរណ៍៖ បើចាប់បាន Manchester City មុនហើយបន្ទាប់មកទៀត Real Madrid នោះក្រុម Manchester City នឹងទទួលក្រុមមកពីអេស្ប៉ាញក្នុងកីឡដ្ឋាន Etihad Stadium មុន។
តើការប្រកួតវគ្គ៨ក្រុមនេះចាប់ផ្ដើមពេលណាជើងទី១ថ្ងៃណា? ជើងទី២ថ្ងៃណា?៖ ជើងទី១គឺយប់ថ្ងៃអង្គារទី៣-៤មេសាឆ្នាំ២០១៨រីឯងជើងទីថ្ងៃអង្គារទី១១-១២មេសាឆ្នាំដដែល៕
