Pierre-Wmerick Aubameyang បានហ្វឹកហាត់ហាត់ម្នាក់ឯងជាមួយគ្រូជំនួយម្នាក់របស់ Arsenalក្រោយផ្ទេរពី Dortmund បាន២ថ្ងៃក្នុងតម្លៃ៥៦លានផោន។
កីឡាករវ័យ២៨ឆ្នាំបានមកដល់ London កាលពីថ្ងៃអង្គារ ដើម្បីបញ្ចប់ការផ្ទេរឲ្យរួចរាល់ ហើយនៅថ្ងៃពុធក្លឹបក៏បានធ្វើសេចក្ដីប្រកាសផ្លូវការតែម្ដង។ កីឡាករជម្រើសជាតិហ្គាបុង រកគ្រាប់បាល់បញ្ចូលទី១៤១គ្រាប់ក្នុងចំណោម២១៣ប្រកួត ឲ្យDortmund ហើយរូបគេនឹងអាចចូលលេងលើកដំបូងឲ្យ Arsenal ពេលជួប Everton នៅថ្ងៃសៅរ៍នេះក្នុង Premier League។
ខ្សែប្រយុទ្ធកំពូលល្បឿនរូបនេះ មិនបានទៅហ្វឹកហាត់ជាមួយមិត្តរួមក្រុមថ្មីនោះទេ នៅថ្ងៃម្សិលមិញ ខណៈពួកគេទាំងនោះដល់ថ្ងៃសម្រាក ប៉ុន្តែ Auba ត្រូវហ្វឹកហាត់ម្នាក់ឯងជាមួយគ្រូជំនួយ Tony Colbert ខាងផ្នែកពង្រឹងកម្លាំង ( Fitness Coach)។
អំឡុងពេលនេះ លោក Arsene Wenger ក៏បានទៅមើលការហ្វឹកហាត់របស់កីឡាករក្នុងទីលាន ហើយជួបនិយាយជាមួយគ្នាផងដែរ៕
