Barcelona បានប្រកាសកាលពីយប់មិញក្នុងវេបសាយផ្លូវការរបស់ខ្លួនអំពីការផ្ដល់ឈុតថ្មីសម្រាប់ Coutinho ដោយកីឡាករប្រេស៊ីលរូបនេះនឹងពាក់អាវលេខ១៤ដែលធ្លាប់ពាក់ដោយវីរបុរសក្លឹបលោក Johan Cruff និង Tierry Henry ក្រោយចាកចេញពី សំណាក់ Javier Mascherano ដែលនឹងទៅលេងនៅចិន។
កីឡាករទើបទិញបានក្នុងខែមករានេះម្នាក់នេះមិនអាចពាក់អាវលេខ១០ដូចដែលបានពាក់នៅ Liverpool នោះទេព្រោះវាត្រូវកាន់កាប់ដោយតារាជួរមុខ Lionel Messi។មុនពេលមកដល់កីឡដ្ឋាន Mersyside របស់ Liverpool កីឡាករវ័យ២៥ឆ្នាំធ្លាប់ពាក់អាវលេខ7, 23, 29 និង 30។
ទោះបីជាយ៉ាងនេះក្ដី!អាវលេខ១៤គឺជាអាវថ្មីរបស់Coutinho ហើយកាលពីពេលមុនអាវនេះធ្លាប់ពាក់ដោយកីឡាករល្បីៗរបស់Barcelona មានដូចជា៖ Emmanuel Amunike, Gerard Lopez, Santiago Ezquerro, Thierry Henry និងMascherano ។
Suits you, @Phil_Coutinho!
🔵🔴 #Coutinho14 pic.twitter.com/sVG1h7kuKJ— FC Barcelona (@FCBarcelona) January 24, 2018
នេះគឺជាសញ្ញាបញ្ជាក់បានថាក្លឹបមានមូលដ្ឋាននៅអេស្ប៉ាញមួយនេះមានការរំពឹងទុកខ្ពស់ពី Coutinho ដែលអាចនឹងបង្ហាញខ្លួនលើកដំបូងទល់នឹង Espanyol ក្នុងពាន Copa del Reyនៅយប់នេះក្រោយជាពីរបួសសាច់ដុំ៕
