ក្រុមជើងឯកលីក៦សម័យកាលភ្នំពេញក្រោន បានប្រកាសនៅព្រឹកនេះ ពួកគេបានឈានទៅដល់ការចុះកិច្ចសន្យាផ្លូវការយកអតីតយុវជនក្លឹប Leicester City កីឡាករ Jorrin John ដោយកុងត្រាមួយរដូវកាលពាក់អាវលេខ១០។
កីឡាករលេងក្នុងតំណែងបម្រើប្រយុទ្ធរូបនេះ ធ្លាប់បានឆ្លងកាត់ការហ្វឹកហាត់ និងបង្ហាញខ្លួនជាមួយក្រុមយុវជនរបស់ក្លឹប Leicester មួយលើក បន្ទាប់មកត្រូវបានខ្ចីជើងឲ្យទៅក្លឹប Kettering Town កាលពីឆ្នាំ២០១១ មុននឹងប្តូរមកលេងឲ្យក្លឹប Muangthong United របស់ថៃ និងបន្តខ្ចីជើងទៅលេងនៅក្លឹប Suphanburi។
សម្រាប់រដូវកាល ២០១២-២០១៣កន្លងមក រូបគេបានទៅលេងនៅក្លឹប Nonthaburi លុះនៅឆ្នាំ២០១៤ បានផ្ទេរទៅក្លឹប Nuneaton Town និងលេងឲ្យក្លឹប NK Domzale ក្នុងឆ្នាំ២០១៥។ ខណៈឆ្នាំ ២០១៦-១៧កន្លងទៅរូបគេបានទៅលេងនៅក្លឹបHarrowby United៕
រូបភាព៖ PPCFC
