Real Madrid ស៊ុបភើស្តារ Cristiano Ronaldo បានក្លាយជាម្ចាស់ពានរង្វាន់ Globe Soccer’s Best Player ជាលើកលើកទី២ជាប់គ្នា ក្រោយការប្រកាសកាលពីយប់មិញដែលនេះគឺជាលើកទី៤ហើយក្នុងអាជីពរបស់ខ្លួន។
ពាននេះជាការរៀបចំរបស់ EFAA(European Association of Football) និង ECA (European Clubs Association )ហើយRonaldo ធ្លាប់ឈ្នះក្នុងឆ្នាំ ២០១១, ២០១៤,២០១៦ និងចុងក្រោយក្នុងឆ្នាំនេះឯង។ តាមរយៈតំណភ្ជាប់វីដេអូ Ronaldo ទទួលពាននេះដោយការប្រគល់ឲ្យពីសំណាក់អតីតកីឡាករអ៊ីតាលី Alessandro del Piero។
ទោះបីទទួលបានពានរង្វាន់ជាច្រើនក្នុងឆ្នាំ ២០១៧នេះ Ronaldo បាននិយាយបែបកំប្លែងថាគាត់នៅតែមានចន្លោះច្រើនទៀតដើម្បីប្រមូលពានបន្ថែមទៀត។
“ កុំបារម្ភមិត្ត ខ្ញុំមានចន្លោះច្រើនណាស់ ដើម្បីឈ្នះពាន។សម្រាប់ខ្ញុំវាជាឱកាសពិសេស ហើយមានអារម្មណ៍សប្បាយរីករាយដែលទទួលបានពាននេះ។ ខ្ញុំសូមថ្លែងអំណរគុណដល់មិត្តរួមក្រុម គ្រូបង្វឹករបស់ខ្ញុំ និងក្រុម Real Madrid ទាំងអស់”។
“វាគឺជាឆ្នាំដ៏អស្ចារ្យយើងបានឈ្នះពានជាច្រើនទាំងក្លឹប និងបុគ្គល ដូច្នេះខ្ញុំសប្បាយរីករាយអរគុណដល់មនុស្សគ្រប់គ្រាដែលបោះឆ្នោតឲ្យខ្ញុំ។ ឆ្នាំក្រោយខ្ញុំទទួលពានច្រើនដូចឆ្នាំនេះដែរ”៕
