Real Madrid នឹងជួប Gremio ក្នុងយប់នេះ នៅវគ្គពាក់កណ្ដាលផ្ដាច់ព្រ័ត្រពានរង្វាន់ Club World Cup ប៉ុន្តែក្រៅពីក្រុមឈ្នះបានពាននេះសម្រាប់កីឡាករ Real Madrid នឹងទទួលបានប្រាក់បន្ថែមលើកទឹកចិត្តទៀត បើអាចបំបាក់ក្រុមខ្លាំងមកពីប្រេស៊ីលបាន។
ប្រសិនបើ Real Madrid បានលើកពាននេះមែន សមាជិកនីមួយៗនៃក្រុមកីឡាករនឹងទទួលបានប្រាក់១០ម៉ឺនអឺរ៉ូ ជាមួយនឹងលុយបែកចែកដល់កីឡាករលេងបានច្រើនជាងគេ រកគ្រាប់បាល់បានជាដើម។
បើតាមប្រភព El Pais ប្រាក់លើកទឹកចិត្តដែលទទួលបានក្នុងឆ្នាំនេះគឺកើនឡើងលើសកាលពីឆ្នាំមុន ដោយគិតសរុបដល់ទៅ១.៨លានអឺរ៉ូ ដែលនេះមានន័យថាម្ចាស់ជើងឯក La liga រដូវកាលមុនទទួលបានលុយទ្វេដងបើធៀបទៅនឹងការឈ្នះពាន FIFA Club World Cup ឆ្នាំមុន។
ទោះបីជាយ៉ាងនេះ ក្ដី! Real Madrid នឹងកាត់ការចំណាយអស់២.៤លានអឺរ៉ូ ប្រសិនបើពួកគេឈ្នះ Gremio។ប៉ុន្តែប៉ុណ្ណោះ Real Madrid នៅតែចំណេញដោយពួកគេអាចឈ្នះពាន និងប្រាក់រង្វាន់ដែល FIFA ផ្ដល់ឲ្យសម្រាប់ម្ចាស់ជ័យលាភីក្នុងព្រឹត្តិការណ៍៣.៤លានអឺរ៉ូ៕
