បាល់ទាត់៖ គ្រូបង្វឹកក្រុមជម្រើសជាតិអេស្ប៉ាញវ័យក្រោម២១ឆ្នាំលោក Albert Celades បាននិយាយថា អេស្ប៉ាញសំណាងណាស់ដែលព្រះបានប្រទានពរឲ្យកីឡាករវ័យក្មេងរបស់ក្លិប Real Madrid កីឡាករ Marco Asensioចូលលេងក្នុងជម្រើសជាតិអេស្ប៉ាញក្នុងពានរង្វាន់ ជើងឯកទ្វីបអឺរ៉ុប European Under-21 championship។
កីឡាករ Asensioវ័យ២១ឆ្នាំបានទាត់បញ្ចូលទី៣គ្រាប់ម្នាក់ឯង ក្នុងជ័យជម្នះ៥ទល់០ទល់ជាមួយជម្រើសជាតិ U21 ម៉ាសេដូនីកាលពីពេលថ្មីីៗ។ លោក Celades បានសរសើរកីឡាករវ័យក្មេងម្នាក់នេះពេញៗមាត់ ដោយលោកបាននិយាយដោយមិនស្ទាក់ស្ទើរថា លោកពិតជាសំណាងណាស់ដែលមាន Asensio ក្រោមការដឹកនាំរបស់គាត់។
លោក Celades បាននិយាយក្នុងគេហទំព័រ UEFA ថា៖ “អបអរសាទរដល់ Marco សម្រាប់ការរកបានគ្រាប់បាល់ហែកទ្រីក ហើយនឹងខិតខំប្រឹងប្រែងរបស់គាត់ នូវអ្វីដែលគាត់បានលេង។ គាត់គឺជាឧទាហរណ៍សម្រាប់កីឡាករទាំងអស់គ្នា ដើម្បីឈានទៅដល់លេងក្នុងជម្រើសជាតិធំ និង Champions League ។”
“ពួកយើងមានសំណាងណាស់ ដែលមានកីឡាករប្រកបដោយគុណភាព ជាកីឡាករបាល់ទាត់ពេញលេញម្នាក់ និងជាមនុស្សពេញលេញម្នាក់។” គ្រូបង្វឹកសញ្ជាតិអេស្ប៉ាញបានបន្ត។ ការប្រកួតបន្ទាប់ U21 អេស្ប៉ាញនឹងត្រូវជួបក្រុមយុវជនជើងខ្លាំងព័រទុយហ្គាល់ U21 ក្នុងវគ្គជម្រុះក្នុងពូលB ខណៈក្រុមមួយនេះក៏បានឈ្នះក្រុម U21 ស៊ែប៊ីដែរ៕
វីដេអូអេស្ប៉ាញU21 ស៊ីU21 ម៉ាសេដូនី៖
[youtube id=”n1wgff_Vk1Q”]
