កម្លាំងប្រយុទ្ធ BC របស់ Real Madrid បច្ចុប្បន្នត្រូវបានគេដឹងថាបានជាប់ចំណាត់ថ្នាក់អាក្រក់បំផុតលំដាប់ទី២ ពេលចាប់ផ្ដើមរដូវកាលនេះ ដោយស្ថិតិរកបានត្រឹម2គ្រាប់ប៉ុណ្ណោះក្នុងលីក។
នេះមានន័យថា Real Madrid គ្រាន់បើជាងក្រុមបាតតារាងនៃលីកអ៊ីតាលី Benevento មួយប៉ុណ្ណោះដែលចាញ់គ្រប់ការប្រកួតក្នុងពានរង្វាន់ Serie A រដូវកាលនេះ ហើយក៏ជាក្រុមដែលអន់បំផុតកំពុងលេងក្នុងលីកកម្រិតខ្ពស់ដោយរកបានត្រឹម១គ្រាប់គត់។
ខ្សែប្រយុទ្ធរបស់ Benevento កីឡាករ Pietro Iemmelloនិង Massimo Coda គឺជាដៃគូរប្រយុទ្ធតែមួយគត់ក្នុងតំបន់អឺរ៉ុបដែលរកបានគ្រាប់បាល់តិចជា Benzema និង Ronaldo គឺពីរនាក់រកបានតែមួយគ្រាប់គត់ ខណៈខ្សែប្រយុទ្ធ Real Madrid ទាំងពីររកបាន១គ្រាប់ម្នាក់។
បើនិយាយពីរដូវកាលមុន Benzema និង Ronaldo រកបាន១២គ្រាប់ហើយ គិតត្រឹមការប្រកួតស្មើគ្នានេះហើយរដូវកាលនេះ ពួកគេបានត្រឹមដេកស្រមៃប៉ុណ្ណោះ។ និយាយក្នុងបច្ចុប្បន្ន ពួកគេមានស្ថិតិធ្លាក់ដល់កម្រិតទាបបំផុត ពេលចាប់ផ្ដើមរដូវកាលនេះ ពិសេសកម្លាំងប្រយុទ្ធ។ ខណៈកាលពីឆ្នាំ ២០១៤/២០១៥ពួកគេស្ថិតក្នុងលំដាប់ល្អបំផុតនៅអឺរ៉ុបដោយរកបាន២៧គ្រាប់ក្នុងចំណោម១២ប្រកួត។
ការធ្លាក់ចុះគុណភាពប្រយុទ្ធនិងរកគ្រាប់បាល់បែបនេះ ធ្វើឲ្យខ្សែប្រយុទ្ធទាំងពីរ រកគ្រាប់បាល់បានតិចជាង១២គ្រាប់នៅរដូវកាលមុនគិតត្រឹមចំនួនប្រកួតស្មើគ្នា។ ខណៈពេលដែល Ronaldo និង Benzema ធ្លាក់ចុះដល់កម្រិតក្រោមនោះ ខ្សែប្រយុទ្ធ២នាក់របស់ PSG គឺ Neymar និងCavani រកបាន២២គ្រាប់ហើយគិតត្រឹមប្រកួតស្មើគ្នា។
ចំណែក Mariano Diaz និង Nabil Fekir រកបាន២០គ្រាប់ហើយ Messi និង Luiz Suarez របស់ Barcelona រកបាន១៧គ្រាប់ខណៈ Real គឺនៅលំដាប់ក្រុមបំផុតទី២លើក្រុមបាតតារាង Benvento៕
