ប្រភពកាសែតអង់គ្លេស Metro បានបញ្ជាក់ថា Manchester United នឹងផ្ដល់អាវលេខ៧ឲ្យ Alexis Sanchez ប្រសិនបើរូបគេផ្ទេរមកលេងនៅ Old Trafford រួចរាល់ជាផ្លូវការហើយនោះ។
ក្រុមរបស់លោក Jose Mourinho កំពុងនាំមុខគេក្នុងការចុះកុងត្រាយកកីឡាករវ័យ២៩ឆ្នាំដោយហ៊ានឲ្យផលចំណេញច្រើនជាង Man City ហើយក៏ខិតជិតក្នុងការចំណាយលុយ៣៥លានផោនដែល Arsenal បានដាក់តម្លៃដល់កីឡាករ។
ក្លឹបបិសាចក្រហមត្រូវបានគេដឹងថានឹងស្នើឲ្យ Sanchezក្លាយជាកីឡាករមានប្រាក់ឈ្នួលខ្ពស់ជាងគេនៅ Premier League ទោះបីជាទិញពី Arsenal ត្រឹមតែលើស៣០លានផោនប៉ុណ្ណោះក៏ដោយ។
Man City បានបោះបង់ឱកាសយកខ្សែប្រយុទ្ធឈីលីរូបនេះដោយមានព័ត៌មានមួយចំនួនថាបានព្រមទទួលចុះចាញ់ក្នុងការដេញថ្លៃយក Sanchez។ ដូច្នេះមានន័យថាមានតែបិសាចក្រហមមួយគត់ ដែលនៅជាប់ទាក់ទងជាមួយអតីតខ្សែប្រយុទ្ធ Barcelona រូបនេះ៕
