ការផ្ទេរទៅលេងនៅ Manchester City មិនបានសម្រេច ហើយការប្រកួតក្នុងជម្រើសជាតិនៃព្រឹត្តិការណ៍ World Cup ក៏មិនបានជោគជ័យជាដុំកំភួន ខណៈបើករដូវកាលដំបូងក្នុងក្រុមក៏មិនសូវបានជោគជ័យហាក់ធ្វើឲ្យសម្ពាធរបស់ Alexis Sanchez កាន់តែខ្លាំង។
ក្រោយ Sanchez បង្ហាញខ្លួនឲ្យក្រុមជម្រើសជាតិឈីលីមិនសូវបានល្អ អ្នកគាំទ្រជម្រើសជាតិឈីលីនៅក្នុងប្រទេសបានចាប់ផ្ដើមរិះគន់ទម្រង់លេងរបស់ខ្សែប្រយុទ្ធ Arsenal រូបនេះកាន់តែខ្លាំង។ ក្រុមអ្នកគាំទ្រមួយចំនួន បានភ្លេចថា Alexis បានលេងក្នុងដំណែងជាកីឡាករសំខាន់ដែលជួយឈីលីឈ្នះពាន Copa America ២ឆ្នាំជាប់គ្នា។
ការរិះគន់មួយចំនួនបានគិតថាកីឡាករនេះ ហាក់មិនដែលបានជួយជម្រើសជាតិធ្លាប់ឈ្នះពានពីមុននោះទៅវិញ។ អ្នកគាំទ្រជម្រើសជាតិឈីលីបានបង្កើតគម្រោង ធ្វើបាតុកម្ម និងដើរក្បួនឲ្យ មិត្តស្រីរបស់ Alexis Sanchez នាង Mayte Rodriguez ។ មនុស្ស៤ទៅ៥នាក់បានធ្វើបែបនេះ ហើយកាលពី Sanchez ចេញពី Barcelona ទៅលេងនៅ Arsenal ក៏ត្រូវអ្នកគាំទ្រមួយចំនួនមិនពេញចិត្តផងដែរ។
Chile has turned on Alexis, there are plans for protests and Marches on FB.
— Arsènic™ (@MrArsenicTM) September 5, 2017
មូលហេតុនៃការចង់ឲ្យ Alexis Sanchez បែកគ្នាជាមួយមិត្តស្រី ដោយសារឃើញកីឡាកររូបនេះលេងមិនសូវបានល្អក្នុងក្រុមជម្រើសជាតិ និងបន្ទោសថា”ធាត់ទៅៗ”ហើយវារំខានដល់ការរក្សាទម្រង់លេងឲ្យបានល្អ។ Sanchez និង Rodriguez បានជួបគ្នាធ្វើជាសង្សារកាលពីខែកក្កដា ហើយនារីម្នាក់នេះក៏តារាម៉ូដែលដ៏ល្បីរបស់ឈីលីផងដែរ៕
ប្រភព៖ 101greatgoal
