អង់គ្លេសត្រៀមខ្លួនរួចរាល់ដើម្បីទទួលអ៊ីតាលីនាយប់នេះ

ក្រុមតោកំណាចអង់គ្លេស បានត្រៀមខ្លួនរួចរាល់ហើយដើម្បីទទួលភ្ញៀវពិសេសរបស់ខ្លួននាយប់នេះគឺក្រុមជម្រើសជាតិអ៊ីតាលី។

ក្រុមទាំងពីរនឹងធ្វើការប្រកួតមិត្តភាពកម្ដៅសាច់ដុំ ដែលជាការត្រៀមខ្លួនរបស់អង់គ្លេសសម្រាប់ព្រឹត្តិការណ៍ World Cup
នាពេលខាងមុខ ប៉ុន្ដែសម្រាប់អ៊ីតាលីវិញវាគ្រាន់ជាការធម្មតាមួយប៉ុណ្ណោះ ព្រោះពួកគេគ្មានកៅអីទៅរុស្សីនោះទេ។

ក្នុងការប្រកួតកាលពីថ្ងៃសៅរ៍ សប្ដាហ៍មុនអង់គ្លេសបានយកឈ្នះ១ទល់និង០ទៅលើក្រុមអធិរាជពណ៍ទឹកក្រូចហូឡង់ ចំណែកអ៊ីតាលីបានរងបរាជ័យក្រោមថ្វីជើង ក្រុមពពកសអាហ្សង់ទីននាកីឡដ្ឋាន Etihad Stadium របស់ក្លឹប Manchester City ។

អ្នកចាំទីដែលបានចូលនិវត្តន៍ទៅហើយគឺ Gianluigi Buffon ក៏ត្រូវបានកោះហៅអោយត្រលប់មកវិញផងដែរ។ ការប្រកួតនិងធ្វើឡើងនាយប់នាវេលាម៉ោង ២: ០០ នាទី នាកីឡដ្ឋាន Wembley Stadium ។