គ្រូបង្វឹកក្រុមកាំភ្លើងធំ Arsenal លោក Arsene Wenger ជឿថា Aaron Ramsey មានគុណភាពនិងសមត្ថភាពគ្រប់គ្រាន់ក្លាយជាប្រធានក្រុមថ្មីរបស់ Arsenal។
ប្រធានក្រុមបច្ចុប្បន្ន Per Mertesacker បានប្រកាសរួចហើយថារូបគេនឹងចូលនិវត្តន៍ពីបាល់ទាត់នៅរដូវកាលនេះ ខណៈពេលដែល Laurent Koscienlny ចូលដល់វ័យ៣២ឆ្នាំ នៅដើមខែនេះហើយនោះ។ Ramsey ដែលបានមកចូលរួមជាមួយ Arsenal កាលពីវ័យក្មេងក្នុងឆ្នាំ ២០០៩គឺជាធនធានសមល្មមហើយរូបគេអាចក្លាយជាប្រធានក្រុមថ្មីបានហើយ។
លោក Wenger បានបញ្ជាក់ថា៖“ ហេតុអ្វីថាមិនអាច?គាត់ជាខ្សែបម្រើមានទាំងតិកនិក កម្រិតខ្ពស់នៃសមត្ថភាព និងគុណភាពជាប្រធានក្រុមល្អនៅក្លឹប។ ការលេងរបស់គាត់គឺស្អាតណាស់ ហើយគាត់មានថាមពលនៃរាងកាយល្អ។ គោលដៅរបស់គាត់គឺលេងឲ្យបាន៣០ប្រកួតនៅរដូវកាលនេះ។“
