បន្ទាប់ពីមានព័ត៌មានចចាមអារ៉ាម ដែលថាខ្សែប្រយុទ្ធឆ្នើមរបស់ភ្នំពេញក្រោន Shane Booysen នឹងចេញពីក្លឹបនោះ នៅពេលពេលនេះ បានដឹងច្បាស់ហើយដោយរូបគេបានចាកចេញមែន។ នេះបើតាមការប្រកាសរបស់ក្លឹបកាលពីប៉ុន្មាននាទីនេះមុន។
ក្នុងផេកហ្វេសបុកផ្លូវការរបស់ខ្លួន ក្លឹបម្ចាស់ជើងឯកលីកកំពូលកម្ពុជា៦សម័យកាលបានសរសេរដូច្នេះ៖” ក្លឹបបាល់ទាត់ភ្នំពេញក្រោន សូមថ្លែងអំណរគុណចំពោះកីឡាករឆ្នើមអាហ្វ្រិកខាងត្បូង Shane Booysen ដែលបានចូលរួមជាមួយក្លឹប។ Shane ជាចំណែកមួយដ៏សំខាន់នៃជម្រើសទី ១ របស់ក្រុមក្នុងរដូវកាលកន្លងមកនេះ។ ចំពោះការចាកចេញរបស់គាត់យើងសូមជូនពរគាត់ឲ្យទទួលបានជោគជ័យ និងជួបតែសំណាងល្អ!
“ Phnom Penh Crown FC would like to thank our South African star, Shane Booysen, as he leaves the club. Shane was a big part of the 1st team over recent seasons and and made a big contribution to the club in his time with us. All the best Shane!”
កីឡាករវ័យ២៩ឆ្នាំបានមកចូលរួមជាមួយភ្នំពេញក្រោនកាលពីឆ្នាំ ២០១៥ដោយលេងបាន៤១ប្រកួតរកបាន៤១គ្រាប់ហើយរូបគេក៏ជាសមាជិកម្នាក់ក្លឹបឈ្នះពាន Cambodian League រដូវកាល២០១៥ផងដែរ៕
