ការប្រកួតបាល់ទាត់ដណ្ដើមពានរង្វាន់សម្ដេចអគ្គមហាសេនាបតីតេជោ ហ៊ុន សែន (Hun Sen Cup) រដូវកាលឆ្នាំ២០១៧ កំពុងធ្វើដំណើរប្រកួតវគ្គជម្រុះដំណាក់កាលទី៤ របស់ខ្លួន ខណៈ ក្រសួងការពារជាតិ ជួបខេត្តស្ទឹងត្រែង ហើយក្រុមខេមបូឌានថាយហ្គឺរ ទទួលក្រុមអគ្គីសនីកម្ពុជា។
សូមរំលឹកថាពានរង្វាន់សម្តេចតេជោ ហ៊ុន សែន ឆ្នាំ២០១៧នេះមានការប្រកួតជា៥ដំណាក់កាលដោយប្រើពេលជាង១០ខែ ចាប់ពីថ្ងៃទី ១៨ ខែមករា ដល់ថ្ងៃទី២៧ ខែធ្នូ ឆ្នាំ២០១៧ ខណៈការប្រកួតដំណាក់កាលទី១ និងទី២ ជាវគ្គជម្រុះតាមបណ្តារខេត្ត ហើយវគ្គទី៣ជាការប្រកួតរវាងក្រុមជើងខ្លាំងតាមខេត្តជួបក្រុមលីគលំដាប់ទី២ និងក្រុម៤ក្រុមបាតតារាងនៃពានរង្វាន់លីគកំពូលកម្ពុជា ឆ្នាំចាស់ ហើយវគ្គទី៤ ជាការប្រកួតរវាងក្រុមខ្លាំងជាងគេ៦នៅក្នុងលីគជាមួយក្រុមខ្លាំងមកពីជុំទី៣ និងចុងក្រោយជុំទី៥ ជាការប្រកួតចាប់ពីវគ្គ៨ក្រុមចុងក្រោយដល់វគ្គផ្ដាច់ព្រ័ត្រ៕
