ក្រុមយុវជនសាលាបាល់ទាត់ជាតិបាទីវ័យក្រោម១៦ឆ្នាំបានយកឈ្នះក្រុមយុវជនមន្ទីរ អ. យ. ក ខេត្តស្វាយរៀងដោយលទ្ធផល៧ទល់១ក្នុងការប្រកួតពានរង្វាន់ជម្រើសជើងឯកយុវជនវ័យក្រោម១៦ឆ្នាំវគ្គផ្ដាច់ព្រ័ត្រ ក្នុងទីលានបាល់ទាត់វិទ្យាល័យ ហ៊ុន សែនមេមត់។
វគ្គទីមួយ ក្រុមយុវជនសាលាបាលទាត់បាទីបានធ្វើការគ្រប់គ្រងការប្រកួតទាំងស្រុងនិងនាំមុខក្រុមយុវជនមកពីខេត្តស្វាយរៀងដល់ទៅលទ្ធផល៦ទល់នឹង០ដោយកីឡាករ ស៊ាង ចន្ធា ២គ្រាប់ សៀន សុភ័ត្រា ២គ្រាប់ ខ្សែការពារ ផន អយ មួយគ្រាប់និង វី អាមីលីនមួយគ្រាប់។
ចូលវគ្គទី២ក្រុមយុវជនមន្ទីរ ស. យ. ក ខេត្តស្វាយរៀងរកបានមួយគ្រាប់វិញដោយកីឡាករ វ៉ាត កែវរតនៈប៉ុន្តែចុងវគ្គទីមួយ កីឡាករ សៀន សុភត្រារកមួយបានមួយគ្រាប់ទៀតឲ្យសាលាបាល់ទាត់បាទី។ចប់ការប្រកួត សាលាបាល់ទាត់បាទីឈ្នះខេត្តស្វាយរៀង ៧ទល់១។
លទ្ធផលនេះបានធ្វើឲ្យក្រុមយុវជនសាលាបាល់ទាត់បាទីគ្រងជើងឯកពានរង្វាន់ជម្រើសជើងឯកយុវជនវ័យក្រោម១៦ឆ្នាំតែម្ដង៕
