តាមសេចក្ដីប្រកាស តាមរយៈហ្វេសបុកផ្លូវការរបស់ក្លឹបភ្នំពេញក្រោន ពួកគេនឹងទទួលក្រុមណាហ្គាវើលក្នុងកីឡដ្ឋានRSN ក្នុងលក្ខណៈមិត្តភាពកម្ដៅសាច់ដុំមុនបើករដូវកាលថ្មី។
ក្រុមភ្នំពេញក្រោនចូលឆ្នាំ២០១៨នេះ មានការប្រកួតមិត្តភាពជាច្រើនប្រកួតរួចទៅហើយ ដោយមានទាំងការប៉ះក្លឹបក្នុងស្រុក និងក្លឹបម៉ាឡេស៊ីដោយទទួលបានលទ្ធផលឈ្នះចាញ់ ខណៈដែលណាហ្គាវើលហាក់មិនសូវមានសកម្មភាពប្រកួតបែបនេះ។
ការប្រកួតនេះក៏អាចនឹងបង្ហាញពីកីឡាករចំណូលថ្មីរៀងៗខ្លួនផងដែរ ពិសេសក្រុមរបស់លោក មាស ចាន់ណាក្រោយពីកីឡាករបរទេសជើងស៊ុត Kipson ចាកចេញហើយក្រុមនឹងរកអ្នកថ្មីមកជំនួស។ ការប្រកួតនឹងធ្វើឡើងនៅថ្ងៃទី ២៧មករាឆ្នាំ ២០១៧ វេលាម៉ោង៣និង៣០នាទីរសៀល៕
