ក្រុម​ជម្រើស​ជាតិ​អ៊ូសបេគីស្ថាន​វ័យ​ក្រោម​២៣​ឆ្នាំ​ ​បាន​បំបាក់​ក្រុម​ជើង​ខ្លាំង​កូរ៉េ​ខាងត្បូង​U23 ​ដោយ​លទ្ធផល​៤​ទល់​១​ក្នុង​ការ​ប្រកួត​ពាន​រង្វាន់​ AFC U23 Championship វគ្គ​ពាក់​កណ្ដាល​ផ្ដាច់​ព្រ័ត្រ​។

ក្នុង​វគ្គ​ទី​១ ក្រុម​អ៊ូសបេគីស្ថាន​ បាន​ធ្វើ​ការ​នាំ​មុខ​ក្រុម​កូរ៉េខាងត្បូង​មួយ​គ្រាប់​មុន​នៅ​នាទី​៣៣​ ដោយ​ប្រធាន​ក្រុម​ Zabikhillo Urinboev។ ​ប៉ុន្តែ​ចូល​ដល់​វគ្គ​ទី​២នាទី​៥៣  Hwang Hyun-Soo រក​បាន​គ្រាប់​តាម​ស្មើ​ឲ្យ​ក្រុម​កូរ៉េ​វិញ​ ហើយ​លទ្ធផល​ស្មើ​នេះ ​បន្ត​រហូត​ដល់​ចប់​ការ​ប្រកួត​៩០​នាទី ​ប៉ុន្តែ​ក្រុម​កូរ៉េ​ខាងត្បូង​នៅ​សល់​កីឡាករ​តែ​១០​នាក់​ក្រោយ ​​Jang Yun-ho ទទួល​បាន​កាត​លៀង​២​ដង​។

វគ្គ​បន្ថែម​១៥​នាទី​២​ដង​ ក៏​ចូល​មក​ដល់​​។​ នៅ​នាទី​៩៩ Azizjon Ganiev រក​បាន​មួយ​គ្រាប់​ឲ្យ​ក្រុម​នៅ​នាទី​បន្ថែម​វគ្គ​ទី​១​ហើយ​ចូល​នាទី​បន្ថែម​វគ្គ​ទី​២ ​ក្រុម​មួយ​នេះ​រក​បាន​២​គ្រាប់​បន្ថែម​ទៀត ​ដោយ​កីឡាករ Jasurbek Yakhshiboev នាទី​១១០​​និង​ Akramjon Komilov នៅ​នាទី​១២១​។ លទ្ធផល​បន្ត​រហូត​ដល់​ចប់​ការ​ប្រកួត​ពេញ​លេញ​តែ​ម្ដង។

​ក្រុម​មក​ពី​អាស៊ី​កណ្ដាល​នឹង​ត្រូវ​ជួប​ក្រុម​វៀតណាម​នៅ​ថ្ងៃ​សៅរ៍​ទី​២៧​ខែ​មករា​ឆ្នាំ​២០១៨​នៅ​កីឡដ្ឋាន​Changzhou Stadium ក្នុង​វគ្គ​ផ្ដាច់​ព្រ័ត្រ​ដណ្ដើម​ជើង​ឯក​ពាន ​AFC U-23Championship៕

[youtube id=”5gGvrKb5BJw”]