ក្រុមជម្រើសជាតិវៀតណាមU23នឹងប្រកួតមិត្តភាពជាមួយក្រុមជម្រើសជាតិវ័យក្រោម២៣ឆ្នាំប៉ាឡេស្ទីន មុនការប្រកួតពានរង្វាន់ AFC U-23 Championship ក្នុងប្រទេសចិនខែក្រោយ។នេះបើតាមប្រភព Football Tribe Asia។
ក្រុមមួយនេះ នឹងធ្វើដំណើរទៅប្រទេសចិននៅថ្ងៃទី០១មករាឆ្នាំ ២០១៨ មុនពេលការប្រកួតក្នុងព្រឹត្តិការណ៍នេះត្រូវចាប់ផ្ដើមនៅថ្ងៃទី០៩មករា។ បន្ទាប់ពីធ្វើការហ្វឹកហាត់បីថ្ងៃគ្រូបង្វឹកលោក Park Hang Seo និងកូនក្រុមរបស់គាត់ត្រូវសាកល្បងជាមួយ Palestin U-23 សិននៅថ្ងៃទី០៤។
ក្នុងការចូលរួមព្រឹត្តិការណ៍នេះកីឡាករ២៨នាក់ត្រូវបានកោះហៅកាលពីចុងសប្ដាហ៍នេះក្នុងទីក្រុងហាណូយមុនពេល Park ជម្រើសយក២៣នាក់ចុងក្រោយ។ វៀតណាមស្ថិតក្នុងពូលD ដែលអាចនិយាយជាពូលមរណៈ ពីព្រោះមានកូរ៉េខាងត្បូង អូស្រ្ដាលីនិងស៊ីរី។
