Ceres-Negro FC បានប្រកាសជាផ្លូវការថា បានយល់ព្រមស៊ីញេកុងត្រាយកខ្សែប្រយុទ្ធ Mike Rigoberto Ott សម្រាប់លេងក្នុងពានលីកកំពូលហ្វីលីពីនដ៏ដូចជាពាន AFC Cup 2018។
ខ្សែប្រយុទ្ធរូបនេះបាននាំយកបទពិសោធន៍យ៉ាងជោកជាំ បន្ទាប់ពីធ្លាប់លេងនៅក្លឹបលីកទី២អាល្លឺម៉ង់ 1860 Munich និងNurmburg មុនពេលផ្ទេរមកលេងនៅក្លឹបថៃ Angthong United កាលពីឆ្នាំមុន។ កីឡាករម្នាក់នេះ បានចូលលេងឲ្យជម្រើសជាតិហ្វីលីពីនក្នុងឆ្នាំ ២០១៦ហើយត្រូវបានគេចាប់អារម្មណ៍ខ្លាំង។ ពិសេសបានការរកបានគ្រាប់បាល់តាមស្មើក្រុមជម្រើសជាតិយេម៉ែនក្នុងពានរង្វាន់ AFC Asian Cupវគ្គជម្រុះហើយរក្សាកំណត់ត្រា មិនដែលចាញ់ក្នុងពានរង្វាន់នេះ។
សូមបញ្ជាក់ផងដែរថា ក្រុម Ceres-Negro FC ស្ថិតក្នុងពូល F នៃពានរង្វាន់ AFC Cup 2018ដែលមានក្រុមដូចជា៖ Home United របស់សិង្ហបុរី Shan United របស់មីយ៉ាន់ម៉ា និងបឹងកេតអង្គររបស់កម្ពុជា៕
