ការប្រកួតបើកឆាកក្នុងលីកកំពូលម៉ាឡេស៊ី Malaysia Super League នឹងមកដល់នៅថ្ងៃស្អែកទី២កុម្ភៈឆ្នាំ២០១៨នេះ ខណៈក្លឹបជាច្រើនមុននឹងចាប់យុទ្ធនាការរដូវកាលបានរើសកីឡាករថ្មី មកជួយក្រុមក៏ដូចជាខ្សែការពារ ខ្សែបម្រើ និងប្រយុទ្ធជាដើម។
កាសែត FFT Malaysia បានជ្រើសរើសយកខ្សែប្រយុទ្ធ៥នាក់ ដែលអាចក្លាយជាម្ចាស់ស្បែកជើងមាសលីកកំពូលម៉ាឡេស៊ីរដូវកាល២០១៨នេះ ដោយកីឡាករទាំង៥នាក់នេះ សុទ្ធតែជាកីឡាករបរទេសហើយ វឌ្ឍនាកា អាចបេក្ខភាពមួយរូប។ ការត្រឡប់មកកាន់ទឹកដីអាស៊ីអាគ្នេយ៍វិញ បន្ទាប់ពីមិនទទួលបានជោគជ័យក្នុងប្រកបអាជីពនៅក្លឹប Fujieda MYFC នៃលីគទី៣ជប៉ុន ខ្សែប្រយុទ្ធជម្រើសជាតិកម្ពុជារូបនេះអាចនឹងស្វែងរកភាពរឹងមាំរបស់ខ្លួនជាមួយ Pahang FA ។
បន្ទាប់ពីឈ្នះពានរង្វាន់លក្ខណៈបុគ្គលជាច្រើន រួមមានពាន Cambodian League Most Valuable Player Award ៣ដងជាមួយបឹងកេតអេហ្វស៊ី ខណៈកីឡាករវ័យ២៤ឆ្នាំនឹងត្រឡប់ទៅរកភាពខ្លាំងរបស់ខ្លួនឡើងវិញ ដែលធ្លាប់តែរកបានគ្រាប់បាល់ជារឿយៗ។
វឌ្ឍនាកាធ្លាប់ឈ្នះពាន Golden Boot ២ឆ្នាំជាប់គ្នាមុនពេលទៅលេងនៅជប៉ុន ហើយរូបគេរកបានគ្រាប់បាល់ជិត១០០គ្រាប់ក្នុងរយៈពេល៣ឆ្នាំចុងក្រោយដោយរាប់បញ្ចូលគ្រាប់ដែលរូបគេចូលលេងក្នុងជម្រើសជាតិ និងការប្រកួតមិត្តភាពមួយចំនួននៅជប៉ុន។
អ្នកគាំទ្រម៉ាឡេស៊ីក៏ប្រហែលជាដឹងច្បាស់នូវអ្វីដែលគាត់បានធ្វើដាក់ក្រុមជម្រើសជាតិម៉ាឡេស៊ីចំនួន២គ្រាប់ ទោះបីជាចាញ់២ទល់៣ក្នុងវគ្គជម្រុះក្នុងពូល 2016 AFF Suzuki Cup។ ក្រៅពីនេះកីឡាករ៤នាក់ទៀតដែលជាបេក្ខភាពស្បែកជើងមាសមាន៖
JORGE PEREYRA DIAZ សញ្ជាតិអាហ្សង់ទីន(JDT)
GUILHERME DE PAULA សញ្ជាតិប្រេស៊ីល(Kuala Lumpur)
PABLO PALLARES អេស្ប៉ាញ(Kedah)
RUFINO SEGOVIA អេស្ប៉ាញ (Selangor FA)
