ពានកម្រិតទី៣អង់គ្លេស League Cup ដែលពីមុនឈ្មោះថា EFL Cup ឬត្រូវបាននិយមហៅ Carling Cup គ្រោងនឹងធ្វើការចាប់ឆ្នោតប្រកួតជុំទីមួយរបស់ខ្លួននៅរាជធានីបាងកក ប្រទេសថៃ។
មូលហេតុដែលពានខាងលើទៅចាប់ឆ្នោតក្នុងប្រទេសថៃដោយសារតែក្រុមហ៊ុនភេសជ្ជៈប៉ូវកម្លាំងថៃឈ្មោះ Carabao បានក្លាយជាម្ចាស់ឧបត្ថម្ភធំជំនួសក្រុមហ៊ុន EFL។
ក្រុមចំនួន៧០ នឹងប៉ះគ្នាដើម្បីរកកៅអីទៅជុំទីពីរហើយការចាប់ឆ្នោតនឹងធ្វើនៅថ្ងៃទី១៦ ខែមិថុនា នៅរាជធានីបាងកក ប្រទេសថៃ ដែលមានអតីតកីឡាករ Arsenal និងក្រុមជម្រើសជាតិបារាំងលោក Emmanuel Petit គឺជាប្រតិភូ។
គួររំឡឹកថាម្ចាស់ជើងឯកចាស់នៃពានរង្វាន់នេះ កាលពីរដូវកាល ២០១៧ គឺក្រុមបិសាចក្រហម Manchester United ខណៈក្រុមដែលជោកជ័យជាងគេនៅក្នុងពានរង្វាន់នេះគឺក្រុម Liverpool ដែលធ្លាប់ឈ្នះពានរង្វាន់នេះរហូតដល់ ៨ ចាប់តាំងពីឆ្នាំ១៩៦០មក៕
រូបភាព៖ dailymail
