មិនត្រឹមតែReal Madrid ម្នាក់ឯងនោះទេ ដែលកំពុងតាមដានទម្រង់លេងរបស់ Timo Wener ហើយបើតាមប្រភពពី Manchester Evening News, ក្រុម Man City របស់លោក Guardiola ក៏បានបង្ហាញពីការចាប់អារម្មណ៍ទៅលើខ្សែប្រយុទ្ធជម្រើសជាតិអាល្លឺម៉ង់រូបនេះផងដែរ។
Real Madrid គឺជាក្លឹបដែលទាក់ទងនិងតាមដានទម្រង់លេងរបស់ Timo Werner មុនគេ ហើយពួកគេសង្ឃឹមថានឹងទិញបាននៅខែមករាខាងមុខនេះ។ប៉ុន្តែស្ដេចនឹងមានគូប្រជែងខ្លាំងមួយទៀតដែលចង់បានខ្សែប្រយុទ្ធក្លឹប RB Leipzing រូបនេះដែរគឺគ្មានក្លឹបណាមួយក្រៅពី Man City នោះទេ។
ពេលនេះកីឡាករទើបល្បីបាន១ឆ្នាំរូបនេះ ក្លាយជាទ្រព្វសម្បតិ្តដែលគេចង់បានខ្លាំងបំផុត។ កីឡាករវ័យ២១ឆ្នាំកំពុងស្ថិតក្នុងរ៉ាដារបស់ក្លឹបធំៗនៅរដូវកាលដោះដូរកីឡាករក្នុងខែមករាខាងមុខ។ Liverpool តាមចែចង់ប្រហាក់ប្រហែលនឹង Real Madrid ដែរប៉ុន្តែចុងក្រោយនេះគឺ Man City ក៏បានចូលរួមដេញថ្លៃបន្ថែមទៀត។
[youtube id=”WOHlmAVvLo0″]
បើតាមប្រភព Manchester Evening News, ក្រុមសំពៅខៀវកំពុងពិចារណាទិញយកនៅខែមករាដូចគ្នា ហើយពួកគេក៏មិនបណ្ដោយឲ្យបាត់បង់ខ្សែប្រយុទ្ធទើបឡើងជើងរូបនេះទៅក្លឹបដទៃនោះដែរ។ ពីដំបូង Real Madrid ចង់បាន Timo Werner មកជំនួស Karim Benzema ពេលរបួសនឹងជំនួសពេលប្រកួតជាមួយក្រុមមួយចំនួន ប៉ុន្តែយើងមិនទាន់ដឹងថាស្ដេចសដែលជាក្រុមមហាសេដ្ឋីពិភពលោកនេះឲ្យតម្លៃខ្លួនប៉ុន្មានននោះទេ៕
