នាយកផ្នែកកីឡានៃសហព័ន្ធបាល់ទាត់អេស្ប៉ាញ លោក Fernando Hierro ត្រូវបានផ្ដល់តំណែងគ្រូបង្គោលជម្រើសជាតិអេស្ប៉ាញ ជំនួសលោក Julen Lopeteguy ដែលត្រូវបានបណ្ដេញចេញកាលពីម្សិលមិញ។
ការតែងតាំងនេះធ្វើឡើង ប៉ុន្មានម៉ោងប៉ុណ្ណោះក្រោយសហព័ន្ធបាល់ទាត់អេស្ប៉ាញបានបញ្ចប់ លោក Julen Lopetegui ពីតំណែងគ្រូបង្វឹកក្រុមជម្រើសជាតិ ក្រោយពីត្រូវបាន Real Madrid តែងតាំងជាអ្នកចាត់ការជំនួសលោក Zinedine Zidane។
លោក Hierro នឹងមានភារកិច្ចដឹកនាំក្រុមគោជល់បើកឆាកពូល B ជាមួយព័រទុយហ្គាល់ និង ពីរប្រកួតទៀតពេញមួយ World Cup នៅរុស្ស៊ីតែម្ដង។ អតីតប្រធានក្រុម Real Madrid និង Bolton ខាងលើនឹងត្រូវបង្ហាញខ្លួនក្នុងកីឡដ្ឋាន Krasnodar នៅថ្ងៃពុធ ទី១៣ មិថុនា មុនចូលកាន់តំណែងផ្លូវការ៕
