Real Madrid បានតែងតាំងគ្រូបង្គោលក្រុមបាល់ទាត់ជម្រើសជាតិអេស្ប៉ាញ លោក Julen Lopetegui ជាអ្នកចាត់ការថ្មីលើកិច្ចសន្យា៣ឆ្នាំ ដោយការងាររបស់បុរសវ័យ៥១ឆ្នាំនឹងចាប់ផ្ដើមក្រោយចប់ព្រឹត្តិការណ៍ FIFA World Cup 2018។
ការតែងតាំងនេះធ្វើឡើងដើម្បីជំនួសលោក Zinedine Zidane ដែលបាននាំក្រុមអធិរាជឈ្នះជើងឯក Champions League ៣ដង និង បានចេញពីតំណែងកាលចុងខែឧសភា។
គួររំលឹកថា គ្រូបង្វឹក Julen Lopetegui ទើបតែបន្តកុងត្រាថ្មីជាមួយក្រុមជម្រើសជាតិរហូតដល់ឆ្នាំ ២០២០ តែប៉ុណ្ណោះ។ តាំងពីត្រូវបានតែងតាំងជាគ្រូបង្វឹកអេស្ប៉ាញកាលពីឆ្នាំ ២០១៦ មក លោក Lopetegui បានបង្ហាញទម្រង់នៃការដឹកនាំបានល្អ។ ក្នុងប្រកួតក្រោមការដឹកនាំរបស់លោកសរុបចំនួន ១៨ ក្រុមជម្រើសជាតិអេស្ប៉ាញមិនដែលស្គាល់រសជាតិចាញ់ឡើយ។
